زاگرۆس پۆست
لاوێكی خەڵكی شاری سەقز بە دەستی تازە لاوێكی دیكە و بە زەبری چەقۆكوژرا.
هەواڵی گەیشتوو بە “زاگرۆس پۆست” باس لەوە دەكات، رۆژی چوارشەممە 22ی رێبەندان لاوێكی تەمەن 18 ساڵ بە ناوی “هێمن عەبدی” خەڵكی شاری سەقز بە هۆی نێوبژیوانی كردن، كەوتووەتە بەر پەلاماری چەقۆ و گیانی لەدەستداوە.
لە درێژەی هەواڵەكەدا هاتووە: “هێمن” خەریكی ناوبژیوانی كردنی 2 كەسی دیكە بووە و یەكێك لەو كەسانە كە تازەلاوێكی 14 ساڵان بووە، ناوبراوی داوەتە بەر دەستڕێژی چەقۆ و بەو بۆنەوە كوشتوویەتی.
شایانی باسە، لادانە كۆمەڵایەتیەكانی لە چەشنی شەڕ و ئاڵۆزیی لە كوردستان بە هۆی نەبوونی پەروەردەی گونجاو چ لە لایەن دەسەڵات و چ لە لایەن بنەماڵەكانەوە، بووەتە هۆی ئەوەیكە پەرەسەندنی ئەم چەشنە رووداوە دڵتەزێنانە.
