یه‌ك شه‌ممه‌ 17 تشرینی دووه‌م 2019
ماڵەوە / کوردستان / سەردانی گوماناویی كاربەدەستێكی كونسولگەری ئێران لە زیندانی محەتەی هەولێر

سەردانی گوماناویی كاربەدەستێكی كونسولگەری ئێران لە زیندانی محەتەی هەولێر

بە پێی وتەی سەرچاوەیەكی ئاگادار، ماوەی سێ رۆژ لەوەپێش یەكێك لە كاربەدەستانی كونسولگەریی كۆماری ئیسلامیی لە شاری هەولێر سەردانی زیندانی محەتەی ئەو شارەی كردووە كە تێیدا 8 چالاكیی مەدەنیی رۆژهەڵاتی كوردستان راگیراون.

بە پێی ئەو زانیاریەی كە بە زاگرۆس پۆست گەیشتووە، ئەو كونسولەی كۆماری ئیسلامیی مەبەست لە سەردانەكەی ئاگاداربوون لە چۆنیەتیی دۆسیەی ئەو 8 چالاكەی رۆژهەڵات بووە كە پاش هێرشی چەند كەسی خۆپیشاندەر بۆ سەر كونسولخانەی ئەو وڵاتە لە هەولێر لە لایەن وەزارەتی ناوخۆی هەرێمی كوردستان بڕیاری دەسبەسەركردنیان دەركرا. هاوكات مەبەستێكی دیكەی ئەم سەردانە گوشارهێنان بۆ سەر پۆلیس‌و وەزارەتی ناوخۆ بووە‌و بەمشێوە خوازیاری داسەپاندنی توندترین سزا بەسەر ئەو هەشت چالاكە مەدەنیەی رۆژهەڵاتی كوردستان بوون.

شایانی باسە، كۆماری ئیسلامیی پاش هێرشی هەندێك لە خۆپیشاندەران بۆسەر كۆنسولخانەی ئەو وڵاتە لە هەولێر لە رۆژی ٠٨_١١_٢٠١٣ کە دژکردەوەیەک بوو بە ئێعدامی لاوانی کورد گوشارێكی زۆری خستوەتە سەر هەرێمی كوردستان بۆ ئەوەی گیراوەكان بەرەوڕووی توندترین سزا ببنەوە. ئەو 8 چالاكە مەدەنیە ئێستاكە ماوەی یەكمانگ‌و شەش رۆژە لە زیندانی محەتەی شاری هەولێر راگیراون‌و تا ئێستاش چارەنووسیان نادیارە.

بابەتی هاوپۆل

چوار چالاکی ئەدەبی لە بۆکان دەستگیر کران

هێزەکانی ئیتلاعات لە شاری بۆکان چوار چالاکی ئەدەبیی خەڵکی ئەو شارەی دەستگیر و رەوانەی ئیدارەی …

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

This site uses Akismet to reduce spam. Learn how your comment data is processed.