زاگرۆس پۆست
تانكرێكی دیكە لە سەر جادەی سەقز_سنە وەرگەڕا و بەو بۆنەوە 2 كەس گیانیان لەدەستدا.
بە پێی هەواڵی “زاگرۆس پۆست”، كاتژمێر 9ی شەوی دووشەممە 13ی مانگی رێبەندان تانكرێك سووتەمەنی لە سەر جادەی سەقز_سنە وەرگەڕا و بەو بۆنەوە 2 كەس گیانیان لەدەستدا.
دەوترێ ئەو تانكرە كە 20 هەزار لیتر نەوتی خاوی تێدا هەبووە، لە نزیك بەنداوی “شەهید كازمی” شاری سەقز وەرگەڕاوە و وەكوو مەترسیەكی جیددی بۆ سەر ژینگەی ناوچەكە و تەندروستی هاوڵاتییان دێتە ئەژمار.
شایانی باسە، لە ماوەی 6 ساڵی رابردوو پتر لە 120 تانكر نەوت و مەوادی شیمیایی لە سەر جادەكانی كوردستان و لە نزیك بەنداوەكان، ئاوی خواردنی هاوڵاتییان دابین دەكات وەرگەڕاوە و بەو بۆنەوە ژینگەی كوردستان و بەتایبەت گیانی هاوڵاتییانی خستووەتە مەترسیەوە.
