پێنج شه‌ممه‌ 9 نیسان 2020
ماڵەوە / کوردستان / دوایین ئاماری گیانبەختكردووانی هێزی پێشمەرگە لە شەڕی دژی داعش بڵاو كرایەوە

دوایین ئاماری گیانبەختكردووانی هێزی پێشمەرگە لە شەڕی دژی داعش بڵاو كرایەوە

ئەمینداری گشتی وەزارەتی پێشمەرگەی حكومەتی باشووری كوردستان رایگەیاند، كە هێزەكانی پێشمەرگە لە شەڕیشدا پەیڕەوی مافەكانی مرۆڤ دەكەن و ئاماژەی بە ژمارەی گیانبەختكردووانی پێشمەرگە كرد و وتی، “تاوەكو ئێستا 999 پێشمەرگە لە شەڕی دژی داعش گیانیان بەخت كردووە”.

“جەبار یاوەر” ئەمینداری گشتی وەزارەتی پێشمەرگەی حكومەتی باشووری كوردستان لە كۆنفڕانسێكی رۆژنامەوانیدا رایگەیاند، كە بڵاوكردنەوەی هەواڵە بینراوەكان لە سەنگەرەكانی پێشەوەی هێزەكانی پێشمەرگە، “دەبێتە هۆی ناردنی زانیاریی بێ بەرامبەر بۆ گرووپە تیرۆریستییەكان”.

جەبار یاوەر لەبارەی بڵاوكردنەوەی گرتەیەكی ڤیدیۆیی، كە تێیدا چەند چەكدارێك سووكایەتی بە تەرمی چەكدارانی داعش دەكەن، رایگەیاند، كە وەزارەتی پێشمەرگە لێكۆڵینەوە لەو گرتەیە دەكات و ئەم كارە، “دەربڕی رەوشتی پێشمەرگە نییە”.

ئەمینداری گشتی وەزارەتی پێشمەرگەی حكومەتی باشووری كوردستان ئاماژەی بەوەشكرد، كە لەو كاتەوەی چەكدارانی رێكخراوی دەوڵەتی ئیسلامی (داعش) هێرشیان كردووەتە سەر عێراق و باشووری كوردستان، واتە لە رۆەكانی ناوەڕاستی مانگی جۆزەردانی ئەمساڵەوە تاوەكو ئەمڕۆ چوارشەممە 14ی رێبەندانی 1393ی هەتاویی واتە لە ماوەی 7 مانگدا 999 پێشمەرگە گیانیان بەخت كردووە و 4596 پێشمەرگەش لەو شەڕانەدا برینداربوون.

بابەتی هاوپۆل

ابتلا ۵۰ زندانی سیاسی زندان مرکزی ارومیه به ویروس کرونا و وحشت رژیم از شورش زندانیان

شمار زیادی از زندانیان و از جمله ۵۰ زندانی سیاسی زندان مرکزی ارومیه به ویروس …

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

This site uses Akismet to reduce spam. Learn how your comment data is processed.