پێنج شه‌ممه‌ 9 نیسان 2020
ماڵەوە / کوردستان / بڕینەوەی 160 میلیۆن جەریمە بۆ 4 كاسبكار لە شاری خوی

بڕینەوەی 160 میلیۆن جەریمە بۆ 4 كاسبكار لە شاری خوی

رەوتی جەریمە كردن و كوشت و بڕی كاسبكاران و كۆڵبەرانی كورد لە لایەن ناوەندە قەزایی و ئەمنیەتیەكانی كۆماری ئیسلامیەوە بەردەوامە.

بە وتەی “محەمەد ئەقوامی” بەرپرسی تەعزیراتی حكومەتی پارێزگای ورمێ، لە ئاكامی دادگایی كردنی 4 كاسبكار له شاری خوی بە هۆی گواستنەوەی موبایل، جل و بەرگ و جگەرە بە شێوەی نایاسایی و تەنیا بە مەبەستی دابین كردنی بژیوی ژیانی خۆیان و بنەماڵەكەیان، بە 160 میلیۆن تمەن جەریمە حوكم دراون.

ناوبراو رۆژی رابردووش وتی: لە شارەكانی “میاندواو و مەهاباد” لە 2 دۆسیەی جیاجیادا كاسبكاران بە دانی 80 میلیۆن و 490 هەزار جەریمەی نەختی مەحكوم كراون و هەموو كەلوپەلەكانیشیان دەستی بەسەردا گیراوە.

ئەمەش لەحاڵێكدایە، كە بە پێی وتەی “شەهرام عەباسی” فەرماندەی هێزەكان سەر سنووری كۆماری ئیسلامی لە پارێزگای ورمێ، لە ماوەی 10 مانگی سەرەتای ئەمساڵدا زیاتر لە 2 هەزار عەمەلیاتی هێرش بۆ سەر كاسبكاران كە ئەو بە (قاچاقخچی) ناوی لێ بردوون، بە مەبەستی دۆزینەوە و دەستبەسەراگرتنی كەلوپەلەكانیان ئەنجام دراوە.

ناوبراو لە درێژەدا دەڵێ: لەو عەمەلیاتانەدا “پتر لە یەك میلیۆن لیتر سووتەمەنی، 3 هەزار و 684 میتر پارچە، 40 هەزار بەستە جل، 22 هەزار جۆر كەلوپەلی پەیوەندیدار بە جوانكاریی، 7 هەزار و 909 سەر مەڕ و ماڵات و 478 دانە جگەرە” لە سەرانسەر پارێزگای ورمێ دەستی بەسەردا گیراوە.

سیاسەتە هەڵەكانی كۆماری ئیسلامی لە بواری رەخساندنی هەلی كار و بنەما ئابووریەكانەوە، خەڵك بەتایبەت لە ناوچە هەژارنشین و سنوورییەكاندا روو بكەنە كار و كاسپی نایاسایی و ئەمەش سەر و ماڵیان بەرەوڕووی خەساری بەرفراوان دەكاتەوە.

بابەتی هاوپۆل

ابتلا ۵۰ زندانی سیاسی زندان مرکزی ارومیه به ویروس کرونا و وحشت رژیم از شورش زندانیان

شمار زیادی از زندانیان و از جمله ۵۰ زندانی سیاسی زندان مرکزی ارومیه به ویروس …

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

This site uses Akismet to reduce spam. Learn how your comment data is processed.