چوار شه‌ممه‌ 22 ئاب 2018
ماڵەوە / کوردستان / هەڕەشەی ئیدارەی ئیتلاعات لە بنەماڵەی چالاكێكی خوێندكاریی كورد

هەڕەشەی ئیدارەی ئیتلاعات لە بنەماڵەی چالاكێكی خوێندكاریی كورد

چالاكێكی خوێندكاریی كورد كە ماوەی 2 مانگە لە لایەن ئیدارەی ئیتلاعاتی شاری سنەوە دەستگیر كراوە، لە دۆخێكی نالەباردا دەژیت.

هەواڵی گەیشتوو بە “زاگرۆس پۆست” باس لەوە دەكات، دۆخی جەستەیی “رێبوار كامەرانی پوور” چالاكێ خوێندكاریی كوردی خەڵكی شاری مەریوان، كە ماوەی 2 مانگە لە لایەن هێزە ئیتلاعاتیەكانی كۆماری ئیسلامیەوە دەستگیر كراوە، زۆر ناجێگیرە و ئیتلاعات هەڕەشە لە بنەماڵەكەی دەكات و پێیانی راگەیاندووە، كە بە هیچ شێوەیەك بۆیان نیە باس لە دۆخی نالەباری رۆڵەكەیان بكەن.

دەوترێ، بنەماڵەی ئەو چالاكە خوێندكارییە پاش تێپەڕ بوونی 2 مانگ لە دەستگیر كردنی رۆڵەكەیان، تەنیا 20 خولەك مەجالی چاوپێكەوتنیان پیچ دراوە و پاش ئەوەیكە لە دۆخی نالەباری رۆڵەكەیان ئاگادار كراونەتەوە، لە لایەن ئیدارەی ئیتلاعاتەوە هوشداریان پێ دراوە، كە بە هیچ شێوەیەك بۆیان نیە هەواڵی “رێبوار” بۆ دەرەوەی زیندان بگوازێنەوە و ئەگەر ئەو هەواڵە بڕواتە دەرەوەی زیندان بە قورسترین شێوە رۆڵەكەیان سزا دەدەن.

“رێبوار كامرانی پوور” چالاكێكی خوێندكاریی كورد پاش ئەوەیكە رێكەوتی 19ی مانگی سەرماوەز لە لایەن ئیدارەی ئیتلاعاتی شاری سنە بانگهێشت كرابوو، دەستگیر و راپێچی گرتووخانە كرا.

پاشان هێزەكانی ئیدارەی ئیتلاعات هەڵدەكوتنە سەر ماڵەكەی و وێڕای پشكینینی ماڵەكەیان، كۆمەڵێ لە كەلوپەل و كتێبە شەخسیەكانی لەگەڵ خۆیان دەبەن.

“رێبوار كامرانی پوور” خەڵكی شاری مەریوان و بەرپرسی پێشووی ئەنجومەنی ئەدەبی “هاوڕێ هەورام” لە زانكۆی پەیام نووری شاری سنە و ئەندامی ئەنجومەنی سەوزی چیای مەریوانە.

بابەتی هاوپۆل

پەرە سەندنی هەوڵی خۆکوژی لە پارێزگای ئیلام

پارێزگای ئیلام لەساڵی ڕابردووی هەتاویدا زۆرترین ئاماری خۆکوژیەکانی ئێرانی لەخۆ گرتووە.لە ساڵی ٩٦ی هەتاوی زیاتر …