دوو شه‌ممه‌ 17 كانونی یه‌كه‌م 2018
ماڵەوە / کوردستان / لەنەبوونی پێداویستی لە قوتابخانەكانی سەڵماس تا نیگەرانی سەبارەت بە كچانی شیناوێ

لەنەبوونی پێداویستی لە قوتابخانەكانی سەڵماس تا نیگەرانی سەبارەت بە كچانی شیناوێ

دۆخی قوتابخانەكانی شاری سەڵماس زۆر نالەبارە و پێویستی بە نەوژەنكردنەوە و تەرخان كردنی كەلوپەلی گونجاو هەیە.

بە پێی وتەی “مەسعود حاجی عەلیلو” فەرمانداری شاری سەڵماس، دۆخی كەشی پەروەردە لە سەڵماس جێگای رەزامەندیی نیە و بە هۆی ئەوەیكە ئەو شارە لە سەر سنووردایە رێگا و بانێكی باشی نیە، دەبێ سەنجێكی دایبەتی پێ بدرێت.

ناوبراو هەروەها جەختی لەسەر ئەوە كردووەتەوە كە دەبێ زۆربەی ناوچە سنووریەكان كە لە دۆخێكی وەهادان قوتایبخانەكانیان نەوژەن بكرێتەوە و هەروەها باسی لەوە كردووە، كە قوتایبخانەی دێهاتەكانی سەڵماس زۆر بچووكن و لە كەمترین پێداویستیش بێبەرین.

دەبێ بوترێ، ناوچە سنوورییەكانی كوردستان لە لایەن كۆماری ئیسلامیەوە هەمیشە بە چاوی ئەمنیەتیەوە سەیر دەكرێت و بەردەوام لە كەمترین خزمەتگوزاریی و هەبوونی پێداویستی گونجاو بەتایبەت رێگاوبان و قوتابخانە بێبەریین.

لە لایەكی ترەوە هەواڵەكان باس لە نیگەرانی بنەماڵە و هەروەها چالاكانی مەدەنی سەبارەت بە، نیگەرانی بنەماڵەی كچانی قوربانیی سووتانی پۆلی خوێندن لە ئاوایی شیناوێ سەر بە شاری پیرانشار، 8 خوێندكارە سووتاوەكەی ساڵی 83ی هەتاویی پارێزگای فارس كە 49% لە گیانیان سووتابوو، كچانی قوتابخانەی شەوانەڕۆژیی سیستان و بەلوچستان لە ساڵی 89 و قوتابیانی نێو قوتابخانەی شاری چابەهار لە ساڵی 90ی هەتاویی دەكات كە تووشی سووتان بوون.

شایانی باسە، لە ماوەی 4 رۆژی رابردووشدا لانیكەم 71 قوتابی لەوانە 12 قوتابی لە شاری بیجاڕ و 59 قوتابی لە شاری كرمان بە هۆی بڵاوبوونەوەی گازی دیۆكسیدی كەربۆن ژەهراوی بوون و پاش رەوانە كردنیان بۆ نەخۆشخانە باری تەندروستییان جێگیر بووەوە.

ئەمەش لەحاڵێكدایە، كە زۆربەی هەرە زۆری قوتابخانەكانی ئێران و بەتایبەت ناوچە هەژار نشینەكان بە هۆی ناستانداربوونی زۆپای قوتابخانەكانەوە تووشی كارەسات و رووداوی دڵتەزێن دەبنەوە و ئیدارەی پەروەردەی كۆماری ئیسلامیش زۆر بە كەمتەرخەمیەوە لەم بارەتە دەڕوانێت.

بابەتی هاوپۆل

گیان لە دەستدانی کاسبکارێکی کورد بە هۆی ڕاودوونانی هێزەکانی ڕژیم

کاسبکارێکی کوردی خەڵکی شاری مەهاباد، بە هۆی ڕاودوونانی لە لایەن هێزە نیزامیەکانی ڕژیم ماشینەکەی وەردەگەڕێتەوە …

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

This site uses Akismet to reduce spam. Learn how your comment data is processed.