چوار شه‌ممه‌ 13 تشرینی دووه‌م 2019
ماڵەوە / کوردستان / کیومه‌رس مه‌نسوری کۆچی دوایی کرد

کیومه‌رس مه‌نسوری کۆچی دوایی کرد

ئه‌مشه‌و کاتژمێر 21:10 کیومه‌رس مه‌نسوری له نه‌خۆشخانه‌ی فریاکه‌وتنی شاری سلێمانی کۆچی دوایی کرد. کیومه‌رس مه‌نسوری چالالی سیاسی‌و ڕۆژنامه‌نوسی دیاری خه‌ڵکی سنه بوو که ماوه‌ی ساڵانێکه شاری سنه‌ی به مه‌به‌ستی پێشمه‌رگایه‌تیی به‌جێهێچتبوو.

له ماوه‌ی یه‌ک ساڵی ڕابردوودا کیومه‌رس تووشی شێرپه‌نجه‌ی خوێن هات‌و سه‌ره‌ڕای هه‌وڵه‌کان بۆ چاره‌سه‌رکردنی نه‌توانرا گیانی ڕزگا بکرێت.

دوای ئه‌وه‌ی کیومه‌رس له چاره‌سه‌رکردن له کوردستان بێهیوا بوو، ڕوویکرده ئاڵمان‌ به‌ڵام به‌هۆی سه‌رسام بوونی خه‌رجیی پێڕاگه‌یشتنی نه‌خۆشینه‌که‌ی، سه‌ره‌ڕای ڕاگه‌یاندنی پشتگریی خه‌رجییه‌کانی له لایه‌ن کۆمپانیای به‌ڕێز له سلێمانی، به‌ناچار له ئوروپاوه گه‌ڕایه‌وه بۆ سلێمانی‌و داوای پشتگریی کرده‌وه‌یی کرد بۆ چاره‌سه‌رکردنی نه‌خۆشینه‌که‌ی.

کۆمپانیای به‌ڕێز یه‌کێک له زلکۆمپانیا بیناسازییه‌کانی هه‌رێمی کوردستانه‌و زۆرێک له ڕۆژنامه‌نوسان‌و نزیکانی کیومه‌رس به تایبه‌ت هاوسه‌ری ڕایانگه‌یاندووه که ئه‌و کۆمپانیایهه پشتگریی کرده‌وه‌یی کیومه‌رسی نه‌کردووه‌و زیاتر له یارمه‌تیدانی کیمومه‌رس، مه‌به‌ستی بانگه‌شه‌کردن بووه بۆخۆی.

به‌مدواییه‌و دوای گه‌ڕانه‌وه‌ی به‌ناچاری کیومه‌رس بۆ کوردستان، حکومه‌تی هه‌رێم ڕایگه‌یاندبوو خه‌رجیی چاره‌سه‌کردنی نه‌خۆشینه‌که‌ی ده‌گرێته ئه‌ستۆ، ئه‌وه له کاتێدا بووه که شێرپه‌نجه هه‌موو جه‌سته‌ی کیومه‌رسی داگرتبوو دواجار به هۆیه‌وه گیانی له‌ده‌ستدا.

 

بابەتی هاوپۆل

چوار چالاکی ئەدەبی لە بۆکان دەستگیر کران

هێزەکانی ئیتلاعات لە شاری بۆکان چوار چالاکی ئەدەبیی خەڵکی ئەو شارەی دەستگیر و رەوانەی ئیدارەی …

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

This site uses Akismet to reduce spam. Learn how your comment data is processed.