چوار شه‌ممه‌ 22 ئاب 2018
ماڵەوە / ئێران / 15 هەزار كارتۆن خەو لە تاران بوونی هەیە و 3 هەزار كەسیان ژنن

15 هەزار كارتۆن خەو لە تاران بوونی هەیە و 3 هەزار كەسیان ژنن

15 هەزار كەسی كارتۆن خەو لە سەر شەقامەكانی شاری تاران بوونی هەیە و لەو رێژەیە 3 هەزار كەسیان ژنان پێكی دەهێنن.

ئەمڕۆ سێشەممە 30 مانگی بەفرانبار، سەرۆكی كۆمیسیۆنی تەندروستی و ژینگەپارێزیی لە ئەنجومەنی شارەوانی تاران ئاشكرایكرد، 3 هەزار ژن لە شەقامەكان لەسەر كارتۆن دەخەون.

“رەحمەتوڵڵا حافزی” سەرۆكی كۆمیسیۆنی تەندروستی و ژینگەپارێزی لە ئەنجومەنی شارەوانی تاران رایگەیاند: بەهۆی نەبوونی جێگاوڕێگا، نزیكەی 3 هەزار ژن شەوانە لە شەقامەكانی تاران لەسەر كارتۆن دەخەون.

ناوبراو ئاماژەی بەوەشداوە، كە لە كۆی 15 هەزار كەسی بێ كارتۆن خەو لە تاران، نزیكەی 20% بۆ 25% ژنان، پێكدێنن.

وتوشیەتی: بە هاتنی وەرزی سەرما ژنان زیاتر لە پیاوان تووشی ئازارو نەهامەتی دەبنەوەو پێویستە هەروەك چۆن بۆ پیاوانی بێ لانە شوێنی تایبەت دیاریكراوە بۆ ژنانیش شوێنی حەوانەوە دابین بكرێت.

حافزی داوای لە ئەندامانی پەرلەمانی ئێران كردووە كە بۆ چارەسەركردنی ئەو كێشەیە هەنگاو بنێن.

شایانی باسە، كارتۆن خەو بوون یەكێك لە كێشە هەرە گەورەكانی كۆمەڵگای ئێران و بەتایبەت شارە گەورەكانی وەكوو تاران دێتە ئەژمار، كە بەدوای خۆیدا دەیان كێشە و گرفتی كۆمەڵایەتی دیكە وەكوو “لەش فرۆشی، گیرۆدەبوون بە مادەهۆشبەرەكان و تووشیار بوون بە نەخۆشیگەلێكی كوشندەی لە چەشنی ئیدز”ی بەدواوەیە و سەرەكترین هۆكاری سەرهەڵدانی ئەم گرفتانەش، بێكاری و هەژاریی خەڵكی ئەو وڵاتەیە.

بابەتی هاوپۆل

پەرە سەندنی هەوڵی خۆکوژی لە پارێزگای ئیلام

پارێزگای ئیلام لەساڵی ڕابردووی هەتاویدا زۆرترین ئاماری خۆکوژیەکانی ئێرانی لەخۆ گرتووە.لە ساڵی ٩٦ی هەتاوی زیاتر …