هه‌ینی 14 كانونی یه‌كه‌م 2018
ماڵەوە / کوردستان / پارێزگای “سنە” تا 10 ساڵی داهاتوو دەبێتە ژێر زبڵ و خۆڵەوە

پارێزگای “سنە” تا 10 ساڵی داهاتوو دەبێتە ژێر زبڵ و خۆڵەوە

بەڕێوەبەری گشتیی ژینگەپارێزیی پارێزگای “سنە” وتی: بەداخەوە بەهۆی نەبوونی بەرنامەڕێژییەكی لەبار، بەردەوام و جێكەوتوو دەبێتە هۆی ئەوەیكە تا 10 ساڵی داهاتوو ئەو پارێزگایە لە ژێر زبڵ و خۆڵ و خاشاكەوە ون دەبێت.

بە پێی راپۆرتی ماڵپەڕی حكومەتیی ئیسنا، “عەبدولوەحید ریازی فەر” لە دووهەمین كۆبوونەوەی كارگرووپی پاشماوەكان، وتوویەتی: شێوەی كۆكردنەوە، لەنێوبردن، نەبوونی رێكخستنی شوێن و رێگا، بەس گواستنەوە و كۆكردنەوەی زبڵ و خۆڵەكە و جێ نەخستنی كەلتووری گونجاو لە سەرەكیترین هۆكارەكانی تەشەنە سەندنی گرفتەكانی پاشماوەكان لە پارێزگای سنە دێتە ئەژمار.

ناوبراو جەختیشی كردەوە: بەرهەمهێنانی ساڵانەی 359 هەزار تۆن پاشماوەی ئاسایی و 870 تۆن پاشماوەی پزیشكی دەریدەخات، دەبێ بە كەڵوەرگرتن لە تێكنۆلۆژیەكانی رۆژ، بەرنامەی جێكەوتوو و بەردەوام، هاوكاریی ئۆرگانە پەیوەندیدارەكان بیر لە لەنێوبردن و گێڕانەوەی (بازیافت) لەبار بین.
لە لایەكی دیكەوە “شەهابد محەمەدی” جێگری چاودێریی و پاراستنی ژینگەی پارێزگای سنە، لە راپۆرتێكدا باسی لەوە كردووە، كە لەنێوبردنی 20 تۆن سەمی كشت و كاڵیی‘ دەسپێكی جیاكردنەوەی زبڵ و خۆڵ لە شارەكانی بانە، دیواندەرە، دێگولان، سەقز و قوروە و سڕینەوەی مەترسی پتر لە 90% پاشماوەی عفونی لە خاڵە پۆزۆتیڤ و گرنگەكانی پارێزگای سنەیە.

ناوبراو لە كۆتاییشدا دەڵێ: جێبەجێ نەكردنی گەڵاڵەی سەرپەرشتی بەسەر پاشماوەكان لە لایەن شارەوانی، رێكنەخستنی شوێنی باش بۆ داپۆشینی زبڵەكان، نەبوونی چاودێریی بەسەر زبڵە شیرەدارەكان، پیس بوونی ئاوە ژێرزەوینیەكان، دابین نەكردنی بانكی زانیاریی و ناسینەوەی پاشماوە ئاسایی و تایبەتەكان، نەناسینەوە و كۆنەكردنەوەی پاشماوەكانی بەشی بەرق و ئێلێكترۆنیك لە لایەن شیركەتی بڵاوكردنەوەی بەرقی پارێزگاكە و نەناسینەوە و بەڕێوەبەرایەتی گونجاوی پاشماوە نەوتییەكان لە لایەن شیركەتی بڵاوكردنەوەی بەرهەمە نەوتییەكانی پارێزگای سنە، لە گرنگترین پەسەندكراوەكانی كۆبوونەوە پێشووەكانە، كە لە لایەن ئۆرگانە پەیوەندیدارەكانەوە نەچووەتە قۆناغی جێبەجێ كردنەوە.

بابەتی هاوپۆل

گوشار خستنە سەر ئەنجوومەنی ژینگەی وڵات لە لایەن کاربەدەستانی ڕژیم لە شاری بۆکان

شارەداریی و فەرمانداریی شاری بۆکان، گوشاریان خستوەتە سەر ئەنجومەنی ژینگەی “وڵات”، کە دەبێت چالاکییەکانیان ڕابگرن.

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

This site uses Akismet to reduce spam. Learn how your comment data is processed.