دوو شه‌ممه‌ 17 كانونی یه‌كه‌م 2018
ماڵەوە / کوردستان / لە كەلاوە بوونی 80%ی قوتابخانەكانی”ماكۆ” تا گازگرتووی قوتابیان لە”بیجاڕ”

لە كەلاوە بوونی 80%ی قوتابخانەكانی”ماكۆ” تا گازگرتووی قوتابیان لە”بیجاڕ”

بەڕێوەبەری رێكخراوی ناوچەی ئازادیی بازرگانیی پیشەیی لە شاری “ماكۆ” سەر بە پارێزگای ورمێ رایگەیاند: پتر لە 80% ی قوتابخانەكانی ئەو ناوچەیە پێویستییان بە پێداویستی، نەوژەنكردنەوە و پێڕاگەیشتنی بنەڕەتیی هەیە.

“حسێن فروزان” لە وتووێژێكدا بە هەواڵنێرییەكانی وتووە: ئێستاكە لە ناوچەی ئازادی بازرگانیی پیشەیی لە شاری “ماكۆ” 437 قوتابخانە بوونی هەیە و هیچ كامیان دۆخێكی باشیان نیە و پتر لە 80%یان پێویستیان بە نەوژەنكردنەوەی پێڕاگەیشتنی بنەڕەتی هەیە.

ناوبراو لە درێژەدا باس لەوە دەكات، كە ئەمساڵ 4 میلیارد تمەن بۆ نەوژەنكردنەوەی دانانی سیستمی گەرمایی و سرویسی بێهداشتی قوتابخانەی شارەكانی “شوت، پۆلدەشت و ماكۆ” لە لایەن ناوچەی ئازاد و 2 میلیارد تمەنیش لە لایەن وەزارەتی پەروەردەوە دیاریی كراوە و ئەمەش لەحاڵێكدایە، كە قوتابخانەكانی هەر كام لەو شارانە بە شێوەی جیاجیا پێویستیان بە 800 میلیۆن تمەن بودجە هەیە.

لە لایەكی دیكەوە هەواڵەكان باس لەوە دەكەن، كە بە هۆی بڵاو بوونەوەی گاز لە قوتابخانەیەكی مامناوەندیی كوڕانە لە شاری “بیجاڕ” 9 قوتابیی ژەهراوی بوونە و رەوانەی نەخۆشخانە كراون و پاش یەك خولەك مانەوە لە نەخۆشخانە، رەوانەی ماڵەوە كراون.

یەكێك لە كاربەدەستانی وەزارەتی پەروەردە باسی لەوە كردووە، كە بە هۆی سەقەت بوونی دووكەڵ كێشەكانی زۆپەی گازیی لە نێو ئەو قوتابخانەیە هۆكاری سەرەكی ژەهراوی بوونی ئەو قوتابیانە بووە.

شایانی باسە، زۆرێك لە قوتابخانەكانی شارە جیاجیاكانی رۆژهەڵاتی كوردستان لە دۆخێكی نالەباردان و ئەمەش لەحاڵێكدایە، كە ساڵانە بە هۆی وەرگرتنی پارە زەختێكی زۆر دەخرێتە سەر قوتابیان و بنەماڵەكانیان و هەر لەو پەیوەندەشدا 500 قوتابیی لە شاری “پیرانشار” بە هۆی نالەباربوونی دۆخی ئابووریی بنەماڵەكانیانەوە وازیان لە خوێندن هێناوە.
 

بابەتی هاوپۆل

گیان لە دەستدانی کاسبکارێکی کورد بە هۆی ڕاودوونانی هێزەکانی ڕژیم

کاسبکارێکی کوردی خەڵکی شاری مەهاباد، بە هۆی ڕاودوونانی لە لایەن هێزە نیزامیەکانی ڕژیم ماشینەکەی وەردەگەڕێتەوە …

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

This site uses Akismet to reduce spam. Learn how your comment data is processed.