پێنج شه‌ممه‌ 28 ئایار 2020
ماڵەوە / ئێران / دەست لەكاركێشانەوەی نوێنەرانی خوزستان لە مەجلیس

دەست لەكاركێشانەوەی نوێنەرانی خوزستان لە مەجلیس

18 نوێنەری پارێزگای خوزستان لە مەجلیسی ئێران بە شێوەی بە كۆمەڵ دەستیان لەكار كێشایەوە‌و هۆكاری ئەم كردەوەشیان گەڕاندەوە بۆ وەلانانی هەندێك لە ئێعتبارەكانی ئەو پارێزگا لە بەشە بووجەی ساڵی 1393. شەریف حسەینی نوێنەری ئەهواز‌و لە ئەندامانی كۆمەڵی نوێنەرانی پارێزگای خوزستان رایگەیاند، تەنیا لە ئەگەری پێداچوونەوە بەو بووجەی بۆ پارێزگاكەمان تەرخانكراوە، دەست لەكاركێشانەوەی خۆمان وەردەگرینەوە.

بە وتەی ئەم نوێنەرەی مەجلس، دەوڵەت دەیەوێت لەسەر بەشە بووجەی خوزستان هەندێك پرۆژەی وەك ئازاد رێی تاران_شومال‌و مێترۆی پەرەند لە رێگەی بەرهەمەكانی فولادی خوزستان دابین بكات‌و ئێمەش دژی ئەوەین. هاوكات نوێنەری رامهۆرمۆز بە هەواڵنێریی فارسی راگەیاندووە، دەوڵەت سەبارەت بە گواستنەوەی ئاوی سەرشاخەكانی رووباری كارون تەواو كەمترخەمە‌و ئەمەش هۆكارێكی دیكەی دەست لەكار كێشانەوەمانەوە.

شایانی باسە، هەیئەتی سەرۆكایەتی مەجلیسی رژیم، نامەی دەست لەكاركێشانەوەی نوێنەرانی خوزستانی قبووڵ نەكردووە و لە ئێستادا لە حاڵی وتووێژ لەگەڵ نوێنەرانی ئەو پارێزگایەدان.

بابەتی هاوپۆل

کەژوان ئازادیان رەوانەی زیندانی مەریوان کرا

كەژوان ئازادیان خوێندكاری زانكۆی پەیام نووری مەریوان بە مەبەستی تێپەڕاندنی حوکمەکەی رەوانەی زیندانی مەریوان کرا. …

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

This site uses Akismet to reduce spam. Learn how your comment data is processed.