چوار شه‌ممه‌ 13 تشرینی دووه‌م 2019
ماڵەوە / کوردستان / لایه‌نه کوردستانیه‌کان له که‌رکوک یه‌ک لیست ده‌بن

لایه‌نه کوردستانیه‌کان له که‌رکوک یه‌ک لیست ده‌بن

ئه‌مڕۆ یه‌کشه‌مه دووه‌مین کۆبوونه‌وه‌ی لایه‌نه کوردستانییه‌کان له که‌رکوک سه‌باره‌ت به هه‌ڵبژاردنه‌کان به‌ڕێوه‌چوو. سایتى کەناڵى ئاسمانى کەرکوک له‌و پێوه‌ندیه‌دا ڕایگه‌یاند: یه‌که‌م کۆبوونه‌وه‌ چه‌ند ڕۆژ پێشترو له ڕێکه‌وتی 2/12 به‌ڕێوه‌چوبو تێیدا نوێنه‌ران بڕیاریاندابوو کۆبوونه‌وه‌ی دواتر له ڕۆژی پێنجشه‌مه‌دا بگرن که به هۆی تێکچوونی بارودۆخی ئه‌منیه‌تیی که‌رکوک‌ دواکه‌وت بۆ ئه‌مڕۆ.
له‌م کۆبوونه‌وه‌یه‌دا که له مه‌ڵبه‌ندی دووی ی.ن.ک ی که‌رکوک به‌ڕێوه‌چوو، چوارچێوه‌ی ئاماده‌کارییه‌کان‌ بۆ هه‌ڵبژاردنی داهاتووی ئه‌نجومه‌نی نوێنه‌رانی عێراق خرایه به‌ر باس.
له دوای هه‌ڵبژاردنی پارلمانی کوردستان ئه‌وه یه‌که‌م هه‌نگاوی هاوبه‌شی پێنج لایه‌نی سه‌ره‌کیی باشووری کوردستانه که ئه‌نجام بدرێت.
بڕیاری کۆتایی دانیشتنی ئه‌مڕۆ به‌م شێوه‌یه بووه: ناوی لیست: که‌رکوکی کوردستانی ده‌بێت، لۆگۆكه‌ى وێنه‌ى ئاڵاى كوردستان‌و قه‌ڵاى كه‌ركوك بێت. هه‌روه‌ها سه‌رۆکی لیست له یه‌کێتی‌و وته‌بێت له گۆڕان‌و بڕیارده‌ر له یه‌کگرتوو، ڕێگه‌پێدراوی لیستیش له پارتی دیموکرات ده‌بێت.
ده‌وترێت له هه‌ڵبژاردنی پێشووی ئه‌نجومه‌نی نوێنه‌رانی عێراقدا به هۆی په‌رته‌وازه‌یی‌و یه‌ک لیست نه‌بوونی لایه‌نه کوردستانییه‌کان، نزیکه‌ی 200هه‌زار ده‌نگ به فیڕۆ چووه.
بڕیاره هه‌ڵبژاردنی ئه‌‌نجومه‌نی نوێنه‌رانی عێراق له 30/04/2013 به‌ڕێوه‌ بچێت.

 

بابەتی هاوپۆل

چوار چالاکی ئەدەبی لە بۆکان دەستگیر کران

هێزەکانی ئیتلاعات لە شاری بۆکان چوار چالاکی ئەدەبیی خەڵکی ئەو شارەی دەستگیر و رەوانەی ئیدارەی …

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

This site uses Akismet to reduce spam. Learn how your comment data is processed.