چوار شه‌ممه‌ 22 ئایار 2019
ماڵەوە / کوردستان / رێژەی زیندانیانی كوردی ئێعدامكراو له ئێران گەیشتە 12 كەس

رێژەی زیندانیانی كوردی ئێعدامكراو له ئێران گەیشتە 12 كەس

بەرەبەیانی ئەمڕۆ 6 زیندانی كورد كە یەكێكیان سیاسی بووە و دوانیوەڕۆی دوێنێ گواسترابوونەوە بۆ بەندی تاكەكەسی زیندانی ناوەندیی شاری “ورمێ” (دەریا)، 3 كەسایان لەسێدارە دراون.

بە پێی هەواڵی گەیشتوو بە “زاگرۆس پۆست”، بەرەبەیانی ئەمڕۆ سێشەممە 16ی مانگی بەفرانبار 6 زیندانی لە بەندیخانەی ناوەندی شاری “ورمێ” رەوانەی بەندی تاكەكەسی كرابوون و لەو رێژەیە 3 كەسیان لە سێدارە دراون و بەم پێیە لە ماوەی 16 رۆژی رابردوو 48 كەس لە زیندانە جیاجیاكانی ئێران لەسێدارە دراون كە 12 كەسیان كورد و 4 كەسیشیان ژن بوون.

هەواڵەكە باس لەوە دەكات، كە هاوكات لەگەڵ لەسێدارەدانی زیندانی سیاسی كورد “سابیر موخەلێد موانە” بە تاوانی پەیوەندیی لەگەڵ “كۆمەڵە” 2 زیندانی كوردی دیكە بە تاوانی ئەنجامدانی قەتڵ لەسێدارە دراون، كە هەتا ئێستا شوناسی ئەو 2 كەسە ئاشكرا نەبووە.

شایانی باسە، كۆماری ئیسلامی ئێعدامی هاوڵاتیان بە مەبەستی چاوترسێن كردن و بڵاو كردنەوەی وەهم و دڵەڕاوكێ لە نێوان هاوڵاتیان ئەنجام دەدات و ئێستاكە بە هەزاران كەس لە زیندانەكانی ئێران لە چاوەڕوانی حوكمی ئێعدام دان و لەو رێژەیە پتر لە 20 كەسیان زیندانیانی سیاسی كورد پێكی دەهێنن.

بابەتی هاوپۆل

گیان لە دەستدانی دوو کۆڵبەر لە ورمێ

ڕۆژی یەک شەممە دوو کۆڵبەری کورد، خەڵکی ناوچەی تەرگەوەر، لە کاتی پەڕانەوە لە ڕووباری “جێرمێ” …

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

This site uses Akismet to reduce spam. Learn how your comment data is processed.