دوو شه‌ممه‌ 17 كانونی یه‌كه‌م 2018
ماڵەوە / ئێران / رێژەی ئێعدامەكان لە ئێران گەیشتە 45 كەس و 9 كەسیان كوردن

رێژەی ئێعدامەكان لە ئێران گەیشتە 45 كەس و 9 كەسیان كوردن

هاوڵاتیەكی كورد لە شاری “ورمێ” و 3 كەسی دیكەش لە شاری “تورقەبە” لە پارێزگای فارس لە سێدارە دران.
بە پێی ئەو هەواڵانەی بە “زاگرۆس پۆست” گەیشتوون، رۆژی چوارشەممە 10ی مانگی بەفرانبار حوكمی لەسێدارەدانی هاوڵاتیەكی كورد بە ناوی “حسێن وەتەن‌زاد” كوڕی ساڵح، كە خەڵكی ئاوایی “ئاوگەرم”ی سەربە شاری “سەڵماس” بوو، لە زیندانی ورمێ و بە تاوانی قاچاخی مادەهۆشبەرەكان جێبەجێ كراوە.
لە لایەكی دیكەوە، ئەمڕۆ یەكشەممە 14ی مانگی بەفرانبار، 3 كەس بە تاوانی دەستدرێژیی سێكسی لە شاری “تورقەبەی شاندیز” لە پارێزگای فارس و بە ناوەكانی “مێدی_و”، “ئێحسان_ك” و “مەحمود_ و” لە پێش چاوی خەڵك لەسێدارەدران.
ئەمەش لەحاڵێكدایە، لە سەرەتای مانگی بەفرانبارەوە تا ئێستا واتە لە ماوەی 14 رۆژی رابردوو 45 كەس لە ئێرانی ژێر دەسەڵاتی كۆماری ئیسلامی لەسێدارە دراون و لەو رێژەیەش 9 كەسیان كورد و 4 كەسیان ژن بووە.
جگە لەم 4 كەسە كە لە زیندانەكانی “ورمێ و تورقەبە” لەسێدارە دراون، ریزی ئەو 41 كەسەكەی دیكە بەمچەشەنەیە: كرمان 8 كەس، قەزوین یەك كەس، بەندەر عەباس 3 كەس، بەندیخانەی بەم 2كەس شیراز 3 كەس 1  كەس لە نوشهر، مەشهەد 4 كەس، ورمێ 7 كەس، عادڵ ئابادی شیراز7 كەس، زاهێدان3  كەس، كەسێك لە قەزوین و لاوێك لە شاری مەشهەد”.

بابەتی هاوپۆل

گیان لە دەستدانی کاسبکارێکی کورد بە هۆی ڕاودوونانی هێزەکانی ڕژیم

کاسبکارێکی کوردی خەڵکی شاری مەهاباد، بە هۆی ڕاودوونانی لە لایەن هێزە نیزامیەکانی ڕژیم ماشینەکەی وەردەگەڕێتەوە …

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

This site uses Akismet to reduce spam. Learn how your comment data is processed.