زاگرۆس پۆست
بەرپرسی خوێندنی ئیدارەی پەرەوەردەی پارێزگای سنە وتی: مەریوانی لە روانگەی ئاماری نەخوێندەوارییەوە، لە پلەی دووهەمی پارێزگاكەدایە.
بە پێی راپۆرتی سەرچاوە هەواڵنێرییەكانی ناوخۆییەكانی ئێران، “محەمەد وەیسی نیا” لە كۆبوونەوەی هاوئاهەنگی نەنەخوێندەواریی شاری “مەریوان” وتوویەتی: بە پێی دوایین ئامارەكان لە پارێزگای سنە 268 هەزار كەس نەخوێندەوار بوونی هەیە و پتر لە 10 هەزار كەسیان لە شاری “مەریوان”دایە.
ویسی نیا هەروەها دەڵێ: ئاماری نەخوێندەواریی لە پارێزگای سنە لە ساڵی 90ی هەتاویی پتر لە 119 هەزار و 17 نفر بووە، كە بەداخەوە هەموو ساڵێ ئەم ئامارە زیادی كردووە.
ناوبراو لە درێژەشدا باس لەوە دەكات، كە نێوەنجی خوێندەواریی لە ئێران 3.7 كلاسە و نێوەنجی خوێندەواریی لە مەریوان پتر لە 6 كلاسە، كە بەداخەوە رێژەیەكی جێگای رەزامەندی نیە و ئەو ئامارەش لە زۆر وڵاتدا پتر لە 11 كلاسە.
