شه‌ممه‌ 15 كانونی یه‌كه‌م 2018
ماڵەوە / کوردستان / نادیاربوونی چارەنووسی 6 چالاك و بانگهێشتی 3 چالاكی عەقیدەتی كورد

نادیاربوونی چارەنووسی 6 چالاك و بانگهێشتی 3 چالاكی عەقیدەتی كورد

6 زیندانیی سوننی مەزهەب دوای تێپەڕبوونی 7 ساڵ زیندان‌و بەندكرانیان هێشتا چارەنووسیان ناڕوونە و 3 ئەندامی دیكەی گرووپی مەكتەب قورعان لە “سنە و بانە” دەستگیر كران.

بە پێی راپۆرتی كەمپەینی بەرگری لە زیندانیانی سیاسی و مەدەنی، 6 زیندانی عەقیدەتیی سوننی مەزهەب بە ناوەكانی “ئەیووب كەریمی كوڕی عومەر، ئەنوەر خزری كوڕی محەممەد، داوود عەبدوڵڵاهی كوڕی مەحموود، كامڕان شێخە كوڕی عەلی، خوسرەو بەشارەت كوڕی عەبدوڵڵا، قاسم ئابستە كوڕی مستەفا و فەرهاد سەلیمی كوڕی مەجید”، كە لە ڕۆژی 16 سەرماوەزی ساڵی 1388، یەكەم كەسیان دەستگیر كراو هەموویان خەڵكی شاری “مەهاباد”ن، پاش تێپەڕبوونی 6 ساڵ هێشتا چارەنووسیان ناڕوونە.

لە لایەكی دیكەوە، 3 ئەندامی گرووپی ئیسلامی “مەكتەب قورعان” رۆژی سێشەممە 9ی مانگی بەفرانبار لە شارەكانی “سنە و بانە” لە لایەن ئیدارەی ئیتلاعاتی كۆماری ئیسلامیەوە بانگهێشت و پاش لێپرسینەوە ئازاد كراون.

“مەجید رەحمان” لە شاری بانە و “فواد شەوكەتیار و وریا خۆسرەوی” لە شاری سنە، ئەو 3 چالاكە مەزهەبیەی سەر بە گرووپی مەكتەب قورعانن كە لە لایەن ئیدارەی ئیتلاعاتەوە پاش بانگهێشت كردن لێپرسینەوەیان لێ كراوە و دواتر ئازاد كراون.

ئەمەش لەحاڵێكدایە، كە لە ماوەی یەك ساڵی رابردوو پتر لە 20 چالاكی مەزهەبی لە كوردستان و لە لایەن ئیدارەی ئیتلاعاتەوە بانگهێشت و پاش چەند كاتژمێر لێپرسینەوە ئازاد كراون.

شایانی باسە، مەكتەب قورعان گرووپێكی ئیسلامیە، كە لە لایەن “ئەحمەد موفتیزادە”وە دامەزراوە و زۆرێك لەو گرووپە، كە پێشتر لە ژێر ناوی “پێشمەرگەی موسڵمان” چالاكیان دەكرد بوون بە سیخوڕ و چەكداری كۆماری ئیسلامی و بە دژی لاینە كوردیەكان چالاكیان دەكرد.

بابەتی هاوپۆل

کوژراو و بریندار بوونی دوو کۆڵبەر لە بانە

دوو کۆڵبەری کورد خەڵکی شاری بانە بە هۆی تەقەی هێزە نیزامیەکانی ڕژیمی ئێران کوژراو و …

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

This site uses Akismet to reduce spam. Learn how your comment data is processed.