چوار شه‌ممه‌ 22 تشرینی دووه‌م 2017
ماڵەوە / کوردستان / هەڕەشە و لێپرسینەوەی چالاكێكی سیاسی كورد

هەڕەشە و لێپرسینەوەی چالاكێكی سیاسی كورد

چالاكێكی سیاسیی خەڵكی شاری ئیلام بۆ جاری سێهەم بانگهێشتی یەكێك لەناوەندە ئەمنیەتییەكانی ئەو شارە كراوە.

بە پێی هەواڵی گەیشتوو بە “زاگرۆس پۆست”: ” مووسا ئومیدی” چالاكی سیاسیی ـ فەرهەنگیی دانیشتووی شاری ئیلام “مووسا ئومیدی” یەكێك لە ئەندامانی شۆرای بەڕێوەبەریی بەرەی یەكگرتووی كورد و نوێنەری ئەو بەرەیە لە پارێزگای ئیلامە، رۆژی دووشەممە رێكەوتی 9ی مانگی بەفرانبار كە رۆژێ پێشتر بە مەبەستی لێپرسینەوە بانگهێشتی ئیدارەی ئیتلاعات كرابوو، سەردانی ئەو ناوەندە حكومەتیەی كرد.

مووسا ئومیدی چالاكی سیاسیی ـ فەرهەنگیی دانیشتووی شاری ئیلام و یەكێك لە ئەندامانی شۆرای بەڕێوەبەریی بەرەی یەكگرتووی كورد و نوێنەری ئەو بەرەیە لە ئوستانی ئیلامە
ناوبراو لەماوەی ٥مانگی رابردوودا ئەو چالاكە سیاسییە سێ‌جار بانگهێشتی ئیدارەی ئیتلاعات، حیفازەتی ئیتلاعاتی سپا و هێزی ئینتزامی كراوە.

ئەو چالاكە سیاسییە لە تۆڕە كۆمەڵایەتییەكاندا باسی لە لێپرسینەوەی مەئمورانی ئیدارەی ئیتلاعت لە خۆی، بۆ ماوەی ٤ كاتژمێر كردووە.

موسا ئومیدی لە لایەن مەئمورانی پۆلیسی ئەمنیەتی گشتییەوە كۆپی لە ئێستاتوسەكانی لە فەیسبوك هەڵگیراوە و بە “جودایی خواز” (تەجزیە تەڵەب) تۆمەتبار كراوە و بەو بۆنەوە هەڕەشەی لێ كراوە و هوشداری پێدراوە كە نابێ درێژە بەو چالاكیانە بدات.

بابەتی هاوپۆل

سنە.. ناردنی ٢٠٠ کانێکس بۆ بوومەلەرزە لێدراوان

لە لایەن رێکخراوی نیزامی موھەندسی پارێزگای سنە، ژمارەیەکی بەرچاو کانێکس پێشکەشی خەڵکی بوومەلەرزە لێدراوی پارێزگای …