یه‌ك شه‌ممه‌ 27 ئایار 2018
ماڵەوە / کوردستان / ئاماری تەڵاق لە شاری”بانە” 100% زیادی كردووە

ئاماری تەڵاق لە شاری”بانە” 100% زیادی كردووە

ئاماری تەڵاق لە شاری “بانە” لە ماوەی٩ مانگی سەرەتای ئەمساڵدا دوو قات بەرز بووەتەوە و ئاماری هاوسەرگیری لەو شارە دابەزیوە.

بەپێی ئاماری ئیدارەی تۆمار كردنی بار كەسێتیی شاری بانە، رێژەی دیاردەی تەڵاق لەو شارە لە ماوەی ٩ مانگی سەرەتای ١٣٩٣ی هەتاوی بە بەراورد لەگەڵ ماوەی هاوشێوەی ساڵی رابردوو 100% بەرزبوونەوەی بە خۆیەوە بینیوە.

ئامارەكانی ئیدارەی تۆمار كردنی باری كەسێتیی بانە دەرخەری ئەوەیە كە لە ماوەی ٩ مانگی سەرەتای ١٣٩٣ی هەتاوی، لە بەرامبەر هەر ٤تا٥ حاڵەت هاوسەرگیری، یەك حاڵەت تەڵاق تۆمار كراوە.

تۆمار كردنی یەك حاڵەت تەڵاق لە بەرامبەر ٤تا٥ هاوسەرگیری لە ٩ مانگی سەرەتای ١٣٩٣ی هەتاوی لە حاڵێكدایە كە لە ماوەی هاوشێوەی ساڵی رابردوو، لە بەرامبەر هەر ٧ هاوسەرگیری یەك تەڵاق روویداوە.

ئامارە بڵاو كراوەكان باس لەوە دەكەن كە لە ماوەی ٩ مانگی سەرەتای ١٣٩٣ی هەتاوی، ٢٣٦ حاڵەتی تەڵاق لە بانە تۆمار كراوە و ئەمە لە حاڵێكدایە كە ئەو رێژەیە لە ساڵی ١٣٩٢ی ١١٩ حاڵەت بووە.

ئاماری هاوسەرگیری لە بانە لە ماوی ئەمساڵدا بە پێی ساڵی رابردوو رەوتی دابەزینی بە خۆیەوە گرتووە و لە ١١٢٧ حاڵەتی ساڵی رابردوو بۆ ١٠٦٧ حاڵەت دابەزیوە.

بە پشت بەستن بە ئامارەكان، رەوتی بەرز بوونەوەی ئاماری تەڵاق و دابەزینی ئاماری هاوسەرگیری لە پارێزگای سنە هەروا درێژەی هەیە و ئێستا لە بەرامبەر هەر ٥ حاڵەتی هاوسەرگیری یەك حالەتی تەڵاق تۆمار دەكردرێت.

بەرز بوونەوەی نرخی بێكاری و تووش بوون بە ماددە هۆشبەرەكان سەرەكیترین هۆكاری تەڵاق بە ئەژمار دێت و بە سەرنجدان بە بەرز بوونەوەی نرخی تووش بوون بە ماددە هۆشبەرەكان و نرخی بێكاری لە سنە، ئەم پارێزگایە لە بواری ئاماری تەڵاق لە سەرەوەی پارێزگاكانی ئێران جێی خۆش كردوە.

بابەتی هاوپۆل

شەپۆلی نوێی مانگرتنەکان، داخستنی بازار وپاساژەکانی تاران