چوار شه‌ممه‌ 22 تشرینی دووه‌م 2017
ماڵەوە / کوردستان / چالاكێكی سایبریی لە كوردستان بە جەریمەی نەختی و زیندان حوكم درا

چالاكێكی سایبریی لە كوردستان بە جەریمەی نەختی و زیندان حوكم درا

وێبڵاگ نووسێكی كورد لە شاری “ورمێ” پاش نزیك بە 4 مانگ لێپرسینەوە، لەلایەن دادگای ئەو شارەوە بە دانی جەریمەوە و زیندانی هەڵپەسێردراو حوكم درا.

بە پێی هەواڵی گەیشتوو بە “زاگرۆس پۆست”، وێبلاگن نووسێكی كورد بە ناوی “محەمەد زێدی شاد” خەڵكی شاری “ورمێ” رێكەوتی چوارشەممە 8ی مانگی بەفرانباری 1393ی هەتاویی، لە ماڵەكەی خۆی لە لایەن هێزە ئینتزامیەكانەوە دەستگیر و لە لایەن دادگای كۆماری ئیسلامی لەو شارە، بە تۆمەتی “هاندانی بیروڕای گشتی لە رێگای چالاكی ئینترنێتی” بە دانی 2 میلیۆن و 300 هەزار تمەن غەرامە و 8 مانگ زیندانی هەڵپەسێردراو مەحكوم كراوە.

ئەمەش لەحاڵێكدایە، كە پێشتریش هێزە ئەمنیەتیەكان بە هێرش بۆ سەر ماڵی ئەو هاوڵاتیە كوردە و وێڕای دەستبەسەراگرتنی كەلوپەلە شەخسیەكان و لەوانە كامپیوترەكەی، بێ رێزیی و سووكایەتیان بە بنەماڵەكەشی كردبوو.

“محەمەد زێدی شاد” مانگی رەشەمەی ساڵی 1389ی هەتاویی لە ماڵەكەی لە لایەن هێزەكانی كۆماری ئیسلامیەوە وێڕای پشكنینی ماڵەكەی و لێدان و سووكایەتی پێ كرابوو، بەڵام بەهۆی نەبوونی بەڵگەی پێویست، ئەو هێزانە نەیانتوانیبوو دەستگیری بكەن.

بابەتی هاوپۆل

دوو حیزبی رۆژهەڵاتی كوردستان داوای یەكپارچەیی خاكی ئێران دەكەن

بەپێی ئەو بەڵگەنامەی لەتۆڕە كۆمەڵایەتییەكان بڵاوكراوەتەوە، دوو حیزبی رۆژهەڵاتی كوردستان رێكەوتننامەیەك واژۆ دەكەن كە لەگەڵ …