سێ شه‌ممه‌ 20 تشرینی دووه‌م 2018
ماڵەوە / کوردستان / مانگرتنی زیندانیەكی سیاسی كورد بەردەوامە

مانگرتنی زیندانیەكی سیاسی كورد بەردەوامە

زیندانییەكی سیاسیی دوورخراوە بۆ ئەهواز لە ئاكامی گوشاری بەرپرسانی زیندانەوە مانی لە خواردن گرتووە و ئێستاكە 5 رۆژە مانگرتنەكەی درێژەی هەیە.

بە پێی راپۆرتی چالاكانی مافی مرۆڤ و دێمۆكراسی لە ئێران، لە رۆژی پێنجشەممە 4ی مانگی بەرفارنبارەوە رابردووەوە “محەمەد ئەمین ئاگوشی” مامۆستای خانەنشین كراوی ناڕازیی بەرامبەر بە گوشارەكانی بەرپرسانی زیندان و بەدوادانەچوونی داواكاریی بەدواداچوونی پزیشكی، مانی لە خواردن گرتووە و ئێستاكە لە ژووری تاكەكەسی قەرەنتینەی زیندانی ناوەندیی “زاهیدان”دایە و باری تەندروستی ناجێگیر و مەترسیدارە.

راپۆرتەكە باس لەوە دەكات، كە مەئموورانی ئەمنیەتی ئیتلاعات رێگری لە دەرمانكردنی ناوبراو دەكەن و لە نەخۆشیەكەی وەكوو كارتی گوشاری كەڵك وەردەگرن.

“محەممەد ئەمین ئاگووشی” خوازیاری چارەسەركردنی لە دەرەوەی زیندان، كەڵك وەرگرتن لە مافی مەرەخسی و كۆتایی هێنان بە فشارەكان بووە.

محەممەد ئەمین ئاگووشی تەمەنی ٥٤ ساڵ و خەڵكی شاری “پیرانشار” و بە دەست نەخۆشی گورچیلەوە دەناڵێنێ‌و هەتا ئێستا چەندین جار مانی گرتووە و جارێكیش لێوەكانی خۆی هەڵدوریبوو.

ئەو زیندانییە سیاسیە خوازیاری چارەسەركردنی لە دەرەوەی زیندان، كەڵك وەرگرتن لە مافی مەرەخسی و كۆتایی هێنان بە فشارەكان بووە.

ئاگووشی هاوسەر و ٥ منداڵی هەیە و رێكەوتی ١ی خاكەلێوەی ١٣٨٦ لە لایەن مەئموورانی حیفازەت ئیتلاعاتی سپای پارێزگای “ورمێ”ەوە لە “پیرانشار” بە تۆمەتی سیخوری بۆ حكوومەتی هەرێمی كوردستان دەستگیرر و ماوەی ٨ مانگ لە گرتنگەی ئیدارەی ئیتلاعاتی ورمێدا بووە.

دادگای سەرەتایی ئەو هاووڵاتییە كوردەی بە ئێعدام مەحكووم كردبوو و دوای ناڕەزایی دەربڕین دەربڕین ئەو حوكمە لە ئێعدامەوە كرا بە ١٠ ساڵ زیندان و دوور خستنەوە بۆ زیندانی زاهیدان.

بابەتی هاوپۆل

نادیار ی چارەنووسی مامۆستایەکی دەستبەسەر کراو لە دیواندەرە

ڕۆژی ٢١ی خەزەڵوەر مامۆستایەکی خەڵکی شاری دیواندەرە لە لایەن هێزەکانی ئیدارەی ئیتلاعاتی ڕژیمی ئەو شارەوە …

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

This site uses Akismet to reduce spam. Learn how your comment data is processed.