دوو شه‌ممه‌ 20 تشرینی دووه‌م 2017
ماڵەوە / کوردستان / كۆمەڵەی شۆڕشگێڕ ئەندامێكی دیكەی خۆی دەركرد

كۆمەڵەی شۆڕشگێڕ ئەندامێكی دیكەی خۆی دەركرد

پاش دەستلەكاركێشانەوەی ژمارەیەك لە كادرو ئەندامانی كۆمەڵەی شۆڕشگێر لەئەندامێتی ئەو حیزبە، ئەندامێكی دیكەیان بەناوی جەعفەر عابدینی لە رێگەی نامەیەكەوە دەردەكرێت.
لەمبارەیەوە  جەعفەر عابدینی ئەندامی کۆمەڵەی شۆرشگێڕ  بە  سایتی رۆژهەڵات تایمزی وت کە لەلایەن سەرکردایەتی ئەو حیزبەوە نامەی دەرکردنی بۆ ناردراوە ئەگەرچی لە نامەکەدا ئاماژە بە هۆکاری ئەو بڕیارە نەدراوە.

جەعفەر وتیشی کە ئەو لە کۆڕو کۆبوونەوە حیزبەکان دا بەردەوام رەخنەی لە سیاسەتەکانی کۆمەڵەی شۆرشگێڕ بە رێبەریی عەبدوڵڵا موهتەدی گرتووەو لەوانە بە توندی بەرەنگاریی سیاسەتی هەوڵدان بۆ خۆ نیزیک کردنەوە لە وڵاتە عەرەبیەکان، کێبەرکێ لەگەڵ حیزبی دێموکرات بۆ نیزیک بوونەوە لە رەوتە پان ئێرانیستەکان‌و لادان لە سوننەتی چەپ‌و پێشکەوتنخوازانەی کۆمەڵەی داوەتە بەر رەخنە. وتیشی کە لەلایەن سەرکردایەتیی کۆمەڵەوە داوای پەشیمان نامەی لێکراوەو ئەوە وەک مەرجی هەڵوەشاندنەوەی بڕیاری دەرکردنەکەی بەرەوڕووی کراوەتەوە.

 

بابەتی هاوپۆل

دوو حیزبی رۆژهەڵاتی كوردستان داوای یەكپارچەیی خاكی ئێران دەكەن

بەپێی ئەو بەڵگەنامەی لەتۆڕە كۆمەڵایەتییەكان بڵاوكراوەتەوە، دوو حیزبی رۆژهەڵاتی كوردستان رێكەوتننامەیەك واژۆ دەكەن كە لەگەڵ …