دوو شه‌ممه‌ 21 كانونی دووه‌م 2019
ماڵەوە / کوردستان / 167 خوێندكاری كورد لە توركیە دەستگیر كران

167 خوێندكاری كورد لە توركیە دەستگیر كران

لەساڵرۆژی تاوانی كۆمەڵكوژی رۆبۆسكی كە  لە 28 ی دیسەمبەری ساڵی 2011 لە ناوچەی شرناخ روویدا و ژمارەیەكی زۆر لەخوێندكارانی زانكۆكانی ( گازی لە ئەنقەرا، چۆكور ئاوا لە ئەدەنا، سوتچی ئمام لەقەهرەمان ماراش، بین گۆڵ لە باشوری توركیە) خۆپیشاندانیان كردو بەو هۆیەشەوە 167 خوێندكاری كورد دەستگیركران.

بەپێی راپۆرتێكی ماڵپەڕی میللـەتی توركی، بەهۆی ئەنجامدانی خۆپیشاندان و وتنەوەی دروشمی دیكتاتۆریەتی دەسەڵاتی توركیە و ئیدانەكردنی تاوانی بۆردومانكردنی ناوچەی شرناخ و ساڵیادی كۆمەڵكویەكەی رۆبۆسكی، سەدان خوێندكاری كورد رژانە سەر شەقامەكان، بەڵام لەلایەن هێزە ئەمنییەكانی توركیاوە بە گازی فرمێسك رێژ هێرش كرایە سەریان و سەرەڕای برینداربوونی ژمارەیەك خۆپیشاندەر، هێزەكانی پۆلیس زیاتر لە 167 خوێندكاریان دەستگیركرد.
 
هەواڵەكە ئەوەشی خستووەتەڕوو: هێزەكانی پۆلیس لەرێگەی كامێرای چاودێریەوە ژمارەیەك خوێندكاریان دەستنیشان كردووە، كە سەرپەرشتی خۆپیشاندانەكەیان كردووەو دواتر هەموویانیان دەستگیركردوەو  لە ئێستادا لێكۆڵینەوەیان لەگەڵدا دەكرێت.

لە راپۆرتەكەدا روونیشكراوەتەوە،  لەناو گیراوەكاندا خوێندكاری كچی تێدایە .

كۆمەڵكوژی رۆبۆسكی لەپارێزگای شرناخی باكوری كوردستان لە 28 ی دیسەمبەری ساڵی 2011 لەكاتێكدا روویدا كە فڕۆكە جەنگییەكانی توركیە بۆردومانی ژمارەیەك هاووڵاتیان كرد بەبیانووی ئەوەی كە ئەندامی پارتی كرێكارانی كوردستان بوون، بەڵام دواتر دەركەوت كە هیچ پەیوەندیەكیان بەو حزبەوە نەبووە و 38 كەسیش لەو رووداوەدا گیانیلەدەستدا .

 

بابەتی هاوپۆل

مانگرتن و ناڕه‌زایه‌تی دەربڕینی خۆیندكارانی زانكۆی رازی كرماشان

ڕۆژی شه‌ممه‌ ٢٩ی به‌فرانبار، خۆیندكارانی زانكۆی رازی كرماشان، له‌ ناڕه‌زایه‌تی به ئاستی له‌ خواره‌وه‌ی‌ خواردەمەنیەکانی …

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

This site uses Akismet to reduce spam. Learn how your comment data is processed.