چوار شه‌ممه‌ 23 كانونی دووه‌م 2019
ماڵەوە / کوردستان / كوژرانی كۆڵبەرێكی كورد بە دەستی چەكدارەكانی كۆماری ئیسلامی

كوژرانی كۆڵبەرێكی كورد بە دەستی چەكدارەكانی كۆماری ئیسلامی

كۆڵبەرێكی دیكەی كورد لە شاری “سەڵماس” لە لایەن هێزە چەكدارەكانی كۆماری ئیسلامیەوە درایە بەر دەستڕێژی گوللە و گیانی لەدەستدا.

بە پێی هەواڵی كۆمەڵەی چالاكانی مافی مرۆڤ لە ئێران، هاووڵاتییەكی تەمەن ٣٠ ساڵەی كورد بەناوی “ئازاد ئەتمانی” كوڕی “ئەفرووز” لە ئەنجامی دەستڕێژی گوللەی هێزە ئینتزامییەكانی كۆماری ئیسلامی لە شاری “سەڵماس” گیانی لەدەست دا.

ئەو كۆڵبەرە كوردە لە كاتی نزیك بوونەوە لە سنووری نێوان ئێران – توركیە، لەلایەن ‌هێزە چەكدارەكانی حكوومەتی ئیسلامیی ئێرانەوە بە شێوەی راستەوخۆ تەقەی لێكراوە.

ئازاد ئەتمانی، رۆژی دووشەممە رێكەوتی ١ی بەفرانبار لەلایەن پاسگای سنووریی گوندی “بڕوێش خۆران”ی سەربە بەخشی كۆسارەوە تەقەی لێكراوەو بەو هۆیەوە دەستبەجێ گیانی لەدەست داوە.

چەند رۆژ پێش ئێستاش بە دەیان ئاژەڵی بار هەڵگری كاسبكارانی كورد لە شاری “شنۆ” لە لایەن چەكدارەكانی كۆماری ئیسلامیەوە درانە بەر دەستڕێژی گوللە و كوژران.

جێگای ئاماژەیە، ساڵانە بە دەیان كۆڵبەر و كاسبكاری كورد لە سەر سنوورەكانی لە نێو جادەكانی كوردستان و ئێران، لە لایەن چەكدارەكانی كۆماری ئیسلامیەوە دەدرێنە بەر دەستڕێژی گوللە و بەرەوروی مەترسی گیانی دەبنەوە و كەلوپەل و ئاژەڵە بارهەڵگرەكانیشیان یان زەوت دەكرێ یان لەنێو دەبرێت.

بابەتی هاوپۆل

مانگرتن و ناڕه‌زایه‌تی دەربڕینی خۆیندكارانی زانكۆی رازی كرماشان

ڕۆژی شه‌ممه‌ ٢٩ی به‌فرانبار، خۆیندكارانی زانكۆی رازی كرماشان، له‌ ناڕه‌زایه‌تی به ئاستی له‌ خواره‌وه‌ی‌ خواردەمەنیەکانی …

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

This site uses Akismet to reduce spam. Learn how your comment data is processed.