شه‌ممه‌ 23 تشرینی دووه‌م 2019
ماڵەوە / کوردستان / فڕۆكەیەكی سیخوڕیی ئێران لە كوردستان كەوتە خوارەوە

فڕۆكەیەكی سیخوڕیی ئێران لە كوردستان كەوتە خوارەوە

فڕۆكەیەكی بێ فڕۆكەوانی كۆماری ئیسلامیی ئێران لە شاری “شنۆ”ی رۆژهەڵاتی كوردستان كەوتەخوارەوە، دەزگا هەواڵگرییەكانیش رێگەیان نەدا وێنەی فڕۆكە تێكشكاوە بگیرێت.

بە پێی هەواڵی ماڵپەڕی “هاوڵاتی”، ئەو فڕۆكە سیخوڕییەی ئێران لەسەر سنووری ئێران، توركیا و هەرێمی كوردستان سوڕاوەتەوە، سەعات ١٢ی نیوەڕۆی دوێنێ پێنجشەممە لەنزیك گوندی “شاوانێ” ی سەر بە شنۆ كەوتۆتەخوارەوە.

شایەتحاڵێك لەگوندی “شاوانێ”وە، وتوویەتی: هێزە ئەمنییەكان دەستبەجێ شوێنی كەوتنەخوارەوەی فڕۆكەكەیان گەمارۆداوە و رێگەیان بەهیچ كەس نەداوە نزیكی ببێتەوە. پاش چەند سەعاتێكیش فڕۆكەكەیان لەگەڵ خۆیان بردووە.

شایەتحاڵەكە دەشڵێ: چەند كەسێك وێنەی ئەو فڕۆكەیەیان گرتووە، بەڵام هێزە ئەمنییەكان هاتونەتە ناو خەڵكەكە و هەموو مۆبایلەكانیان وەرگرتووە و وێنەكانیان سڕیوەتەوە.

تاكو ئێستاش هیچ كام لە ماڵپەڕە فەرمی و ناوچەییەكانی ئێران، ئاماژەیان بە كەوتنەخوارەوەی ئەو فڕۆكە بێ فڕۆكەوانە نەكردووە.

بابەتی هاوپۆل

ئاماری سەرسوڕھێنەری زیانەکانی بچڕانی ئینتێرنێت لە ئێران

نێت بلاک وێبسایتێکی ناسراوە لە بواری ئازادی کەڵکوەرگرتن لە ئینتێرنێت لە جیھاندا و بە شێوەی …

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

This site uses Akismet to reduce spam. Learn how your comment data is processed.