چوار شه‌ممه‌ 20 ئازار 2019
ماڵەوە / کوردستان / 35%ی گیراوانی زیندانی “ورمێ” بە تاوانی قاچاخی مادەی هۆشبەر گیراون

35%ی گیراوانی زیندانی “ورمێ” بە تاوانی قاچاخی مادەی هۆشبەر گیراون

رێژەی تاوانبارانی پویەندیدار بە مادەهۆشبەرەكان لە زیندانی “ورمێ” لە بەراوەرد لەگەڵ ساڵی هاوشێوە بە ئاستێكی زۆر پەرەی سەندووە.

“عیسا قەنبەری” جێگری سیاسی ئەمنیەتی پارێزگاریی “ورمێ” وتی: ئێستاكە پتر لە 35%ی زیندانیانی ورمێ لە پەیوەند لەگەڵ بازرگانی و بڵاوكردنەوەی مادەهۆشبەرەكان دەستگیر كراون.

ناوبراو لە كۆبوونەوەی شورای هاوئاهەنگی خەبات لە دژی مادەی هۆشبەری پارێزگای ورمێ باسی لەوە كرد، كە : رێژەی تۆمەتبارانی پەیوەندیدار بە مادەهۆشبەرەكان لە بەراوەرد لەگەڵ ساڵی رابردوو بەرزبوونەوەیەكی یەكجار زۆریی هەبووە و وێڕای ئاماژە و لێكدانەوەی ریشەی هۆكارەكانی بەرزبوونەوەی ئەو رێژەیە، باسی لە رێگا چارەكانی ئەو ئامارە كردووە.

شایانی باسە، ماوەیەك پێش ئێستا 28 زیندانیی سیاسی كوردی نێو زیندانی ناوەندیی “ورمێ” (دەریا) لە ناڕەزایی بە تێكەڵكردنی زیندانیانی ئاسایی و مەترسیدار بەتایبەت زیندانیانی پەیوەندیدار بە مادەهۆشەبەركان بە بەندی زیندانی سیاسی ماوەی 33 رۆژ دەستیان دایە مانگرتن لە خواردن و رۆژی دووشەممە یەكی مانگی بەفرانبار پاش مانگرتنی گشتیی خەڵكی كوردستان و دوابەدوای دان و جێبەجێ كردنی بەڵێنەكانیان لە لایەن دادوەری گشتیی پارێزگای ورمێ، كۆتاییان بە مانگرتنەكەیان هێنا.

بابەتی هاوپۆل

بەند کراوی سیاسی کورد خەڵکی شاری سەقز چارە نووسی نادیارە

سەرەڕای تێپەڕ بوونی یەک مانگ بە سەر دەستبەسەر کردنی هاوڵاتیەکی کورد، هیچ هەواڵێک لە چارەنووسی …

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

This site uses Akismet to reduce spam. Learn how your comment data is processed.