یه‌ك شه‌ممه‌ 19 تشرینی دووه‌م 2017
ماڵەوە / ئێران / كوژرانی دەیان چەكداری كۆماری ئیسلامی لە سوریە

كوژرانی دەیان چەكداری كۆماری ئیسلامی لە سوریە

شەڕ و ئاڵۆزییەكانی وڵاتی سوریە كە 4 ساڵە درێژەی هەیە، جگە لە كوژرانی هێزەكانی بەشار ئەسەد و نەیارانی، بووەتە هۆی كوژرانی ژمارەیەكی زۆر لە چەكدارانی دەرەكی، كە لەو وڵاتەدا تێكەڵی شەڕی ناوخۆیی بوون.

دەوترێ تا ئێستا 59 چەكداری كۆماری ئیسلامی لە ژێر ناوی سپای قودسی سەر بە سپای پاسداران روویان لە سوریە كردووە، كوژراون و كۆماری ئیسلامی جگە لە هێزەكانی خۆی خەڵكی وڵاتانی عێراق، لوبنان و ئەفغانستان بە مەبەستی شەڕ كردن بە دژی نەیارانی بەشار ئەسەد رەوانەی سوریە دەكات.

بەشداریی بەربڵاوی هێزەكانی كۆماری ئیسلامی لە سوریە تا ئێستا خەساری گیانی و ماڵی زۆری بەدواوە بووە و كاناڵی ئەلعەرەبیە باس لەوە دەكات، كە لە ماوەی شەڕی ناوخۆیی لە سوریە تا ئێستا 59 چەكداری كۆماری ئیسلامی كوژراون.

كاربەدەستانی كۆماری ئیسلامی بەردەوام باس لەوە دەكەن، كە سوریە بۆ ئێران “هێڵی سوورە” و پشتیوانیی هەمە لایەنەی خۆیان لە بەشار ئەسەد دەردەبڕن.

هێزەكانی سپا و بەسیجی كۆماری ئیسلامی لە ژێر ناوی گرووپگەلێكی وەكوو “گوردانی فاتمیون” و یا لە ژێر ناوی “بەرگریكارانی هەرێمی حەزرەتی مەعسومە” بۆ پشتیوانی لە بەشار ئەسەد رۆیشتوونەتە سوریە و بە ئاستێكی زۆر دەستیان لە سەركوتی ناڕازییانی دەوڵەتدا هەیە.

بابەتی هاوپۆل

دوو حیزبی رۆژهەڵاتی كوردستان داوای یەكپارچەیی خاكی ئێران دەكەن

بەپێی ئەو بەڵگەنامەی لەتۆڕە كۆمەڵایەتییەكان بڵاوكراوەتەوە، دوو حیزبی رۆژهەڵاتی كوردستان رێكەوتننامەیەك واژۆ دەكەن كە لەگەڵ …