زاگرۆس پۆست
عەلی مورادی و کەماڵ شەریفی، دوو بەندکراوی سیاسیی کورد لە زیندانی میناب به‌بۆنه‌ی کۆتایی مانگرتنی زیندانیانی سیاسیی ورمێ په‌یامێکیان بڵاو کرده‌وه.
له‌و په‌یامه‌دا که پاش ماوەی زیاتر لە مانگێک خۆڕاگری، کۆڵنەدان و مایەدانان لە گیان، سەرئەنجام سەرکەونێک بەدەست هات کە دەرەنجامی کۆڵنەدان و خۆڕاگری بێ‌وێنەی کۆمەڵێک تێکۆشەری ڕێی ئازادی، سەربەستی و ڕزگاری نیشتمانە لە ڕۆژهەڵاتی کوردستان.
ئه‌و دوو زیندانییه سیاسییه کورده ده‌ڵێن ئەم خۆڕاگری‌یە سەلماندی زیندانی سیاسی کورد لە بەندیخانەکانی ئێران‌دا بۆ گەیشتن بە ویست، داخوازی و مافە ڕەواکانی خۆی، ئامادەیە بەنرخترین شتی هەر ئینسانێک کە ژیانی‌یەتی، پێشکش بکا.
