چوار شه‌ممه‌ 23 كانونی دووه‌م 2019
ماڵەوە / کوردستان / مانگرتنی زیندانیانی سیاسی سەركەوتووانە كۆتایی پێهات

مانگرتنی زیندانیانی سیاسی سەركەوتووانە كۆتایی پێهات

 مانگرتن لە خواردنی زیندانیانی سیاسیی كوردی زیندانی ناوەندیی”ورمێ”(دەریا) سەركەوتووانە كۆتایی پێهات.

بە پێی راپۆرتی كەمپەینی بەرگری لە زیندانیانی سیاسی و مەدەنی،دوای 33 ڕۆژ مانگرتن لە خواردنی بەشیك لە زیندانیانی سیاسیی كوردی بەندكراو لە بەندیخانەی ورمێ، ئەو مانگرتنە لەلایەن ئەو بەندكراوانەوە سەركەوتووانە كۆتایی پێهات.

دوای زیاتر لە مانگێك مانگرتنی 28 زیندانیی سیاسیی كورد لە بەندیخانەی ورمێ كە بە نیشانەی ناڕەزایەتی دەربڕین بە تێكەڵكردنی زیندانیانی سیاسی لەگەڵ تاوانبارانی كۆمەڵایەتی‌و هەروەها كۆتاییهێنان بە فشارو زەبروزەنگی كاربەدەستانی زیندان مانیان لە خواردن گرتبوو، ئەو بەندكراوانە بە بڵاوكردنەوەی راگەیەندراوێك كۆتایی مانگرتنەكەیان ڕاگەیاندو دەڵێن مانگرتنەكەیان سەركەوتوو بووە.

لەو راگەیەندراوەدا هاتووە كە دوای ئەو ناڕەزایەتی دەربڕینەو بەردەوامییان كاربەدەستانی زیندان لەگەڵیان كۆبوونەوەتەوەو بەشێك لە داواو ویستی ئەوانیان جێبەجێ كردوەو 13 زیندانیی سیاسی كە پێشتر بۆ بەندەكانی دیكە ڕاگوێزرابوون، بۆ بەندی سیاسی گەڕاونەتەوەو 40 تاوانباری كۆمەڵایەتیش كە تێكەڵ بە زیندانیانی سیاسی كرابوون، بۆ بەندەكانی دیكە ڕاگوێزراون.

بابەتی هاوپۆل

مانگرتن و ناڕه‌زایه‌تی دەربڕینی خۆیندكارانی زانكۆی رازی كرماشان

ڕۆژی شه‌ممه‌ ٢٩ی به‌فرانبار، خۆیندكارانی زانكۆی رازی كرماشان، له‌ ناڕه‌زایه‌تی به ئاستی له‌ خواره‌وه‌ی‌ خواردەمەنیەکانی …

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

This site uses Akismet to reduce spam. Learn how your comment data is processed.