زاگرۆس پۆست
لە ماوەی 10 مانگی رابردوو بەهۆی كردەوە تیرۆریستییەكانی ناو شاری كەركووك و دەورووبەری 2807 كەس بوونەتە قوربانی.
بە پێی راپۆرتی ماڵپەڕی باسنیوز، لەناو شاری كەركووك قەزا و ناحیەكانی تاكو كۆتای مانگی 10ـی 2014، 2807 هاووڵاتی بوون بە قوربانی كە 740ی گیانیانبەخت كردووە و 2064 كەسیشیان بریندار بوون ژمارەیەكیش لە بریندارەكان كەم ئەندام بوون.
دكتور سەباح ئەمین بەرێوەبەری گشتی فەرمانگەی تەندروستی كەركووك رایگەیاندووە: “بەهۆی رووداوە تیرۆریستییەكانەوە كە جۆرەكانیان تەقینەوە، ئۆتۆمبێلە بەمین رێژكراو و خۆكوژی بووە ناوی 740 گیانیانبەختكردوو لە بەڕێوەبەرایەتی گشتی فەرمانگە تەندرووستی كەركووك تۆماركراوە، لەو ژمارەیە501 كەسیان كەركووكین و ئەوانی تریش دانیشتوانی پاریزگاكانی سەڵاحەدین و موصل و ئەنبارن كە بۆ چارەسەر رەوانەی نەخۆشخانەكانی كەركووك كراون .
دكتور سەباح وتووشیەتی: “هەر لە ماوەی 10 مانگی رابردوو( 2066 ) برینداری كردە تیرۆرستیەكان گەیشتونەتە نەخۆشخانەكانی بەڕێوەبەرایەتییەكەمان”.
دكتور سەباح هەروەها دەشڵێت: “بەرێوەبەرایەتی فەرمانگەی تەندروستی كەركووك توانیوویەتی زۆربەی زوری بریندارەكان چارەسەری تەواویان بۆ بكات ، ئەوەش بە بوونی پیسیۆرانی تایبەت”.
