پێنج شه‌ممه‌ 3 كانونی یه‌كه‌م 2020
ماڵەوە / کوردستان / بانگەوازی مانگرتنی گشتی لە كوردستان بۆ پشتیوانی لە زیندانیانی مانگرتوو

بانگەوازی مانگرتنی گشتی لە كوردستان بۆ پشتیوانی لە زیندانیانی مانگرتوو

ژمارەیەك لە چالاكانی مەدەنی و مافی مرۆڤ لە كوردستان، بە بڵاو كردنەوەی بانگەوازێك، داوای ئەوە دەكەن، كە رۆژی یەكی مانگی بەفرانباریان وەكوو رۆژی مانگرتنی گشتیی راگەیاندووە.

ئەو بانگەوازە كە لە لایەن زۆربەی هەرە زۆری چالاكانی سیاسی، مەدەنی و مافی مرۆڤی رۆژهەڵاتی كوردستانەوە پشتیوانی لێ كراوە، چاوەڕوان دەكرێ رۆژی دووشەممە یەكی مانگی بەفرانبار بە تێكڕای خەڵكی رۆژهەڵاتی كوردستان بە هانایەوە بێن و پشتیوانیان لێ بكەن.

لە درێژەی بانگەوازەكەدا وێڕای ئاماژە بە دۆخی ناجێگیریی زۆربەی زیندانیانی مانگرتوو، باس لەوە كراوە، كە پێویستە هەموو ناوەندە مافپارێز و رێكخراوە مافی مرۆڤیەكانی جیهان و بەتایبەت ئێران و كوردستان پشتیوانی لە زیندانیانی مانگرتوویی ورمێ دەرببڕن و خۆیان بە پاڵپشتی ئەوان بزانن بۆ گەیشتن بە خواست و داواكارییەكانیان.

جێگای وەبیرهێنانەوەیە، ٢٧ زیندانی سیاسیی لەرێكەوتی ٢٩ی خەزەڵوەرەوە لە زیندانی ناوەندیی ورمێ (دەریا) مانیان لەخواردن گرتووە و خوازیاری هەڵوەشاندنەوەی بڕیاری تێكەڵ كردنیان بە بەندی زیندانیانی تاوانبار و مەترسیدار بوون.

بابەتی هاوپۆل

فشار و تهدید خانوادە یک فعال سیاسی در مریوان

اداره اطلاعات سپاه ایران طی سالهای گذشته برای اذیت کردن ، ترساندن و تحت فشار …

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

This site uses Akismet to reduce spam. Learn how your comment data is processed.