چوار شه‌ممه‌ 25 تشرینی دووه‌م 2020
ماڵەوە / کوردستان / كوژرانی تازەلاوێكی كورد بە دەست پۆلیسی توركیە

كوژرانی تازەلاوێكی كورد بە دەست پۆلیسی توركیە

تازەلاوێكی كوردی 16 ساڵ تەمەن بە دەستی پۆلیسی توركیە و بە زەبری گوللە گیانی لەدەستدا.

بە پێی هەواڵی ماڵپەڕی فورات نیوز، سێشەممە 25ی مانگی سەرماوەز تازەلاوێكی تەمەن 16 ساڵ كوردی باكووری كوردستان بە ناوی “قەدری چاكماك” لە ناوچەی “سوور” سەر بە شاری “ئامەد” لە بەشی سەر و سنگەوە كەوتووەتە بەر دەستڕێژی گوللەی هێزە چەكدارەكانی دەوڵەتی توركیە و گیانی لەدەستداوە. تەرمی ئەو تازە لاوە چەند كاتژمێر دواتر گواستراوەتەوە بۆ نەخۆشخانەیەكی دەوڵەتیی لە باكووری كوردستان.

بازاڕییەكانی ئەو ناوچەیە لە تەرمی ئەو تازەلاوە وێنەیان گرتووە، بەڵام پۆلیسی توركیە دوربینی ئەو كاسبكارانەی لێ وەرگرتوون و تەنیا ئەم وێنەیە بڵاو كراوەتەوە.

بنەماڵەكەی “قەدری چاكماك” دەڵێن: لە كاتی كوژرانی ئەو تازەلاوەدا چەند كەسێك شایەتحاڵی رووداوەكە بوون و بینیویانە كە بە چ شێوەیەك پۆلیسی توركیە تەقەی لێ كردووە.

تا ئێستا هۆكاری تەقەكردن لەو تازەلاوە ئاشكرا نەبووە، بەڵام پێدەچێ بە هۆی كاسبكاریی و كۆڵبەریەوە لە لایەن پۆلیسی توركیەوە درابێتە بەر دەستڕێژی گوللە.

بابەتی هاوپۆل

هاووڵاتییەکی خەڵکی بانە دەستگیر کرا

رۆژی شەممە ١ی سەرماوەز، هاووڵاتییەک بە ناوی “واحید عەباس‌زادە” تەمەن ٣٥ ساڵ کوڕی عوسمان خەڵکی …

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

This site uses Akismet to reduce spam. Learn how your comment data is processed.