شه‌ممه‌ 19 كانونی دووه‌م 2019
ماڵەوە / کوردستان / نادیاربوونی چارەنووسی چالاكێكی مافی مرۆڤ لە كوردستان

نادیاربوونی چارەنووسی چالاكێكی مافی مرۆڤ لە كوردستان

چارەنووسی چالاكێكی مافی مرۆڤ لە كوردستان، كە لە لایەن هێزەكانی كۆماری ئیسلامیەوە دەستگیر كراوە، نادیارە.

بە پێی هەواڵی گەیشتوو بە “زاگرۆس پۆست”، چارەنووسی هاوڵاتیەكی كوردی خەڵكی شاری”سنە” بە ناوی “فەرشید دۆڵابی” 26 ساڵ تەمەن كوڕی “عەبدولخالق” كە ماوەی چەند رۆژێكە لە لایەن هێزەكانی ئیتلاعاتی كۆماری ئیسلامیەوە دەستگیر كراوە، نادیارە.

بە وتەی یەكێك لە ئەندامانی بنەماڵەكەی “فەرشید دۆڵابی” چالاكی مافی مرۆڤ لەم رۆژانەی دواییدا و لە رەوتی بانگهێشت و دەستگیركردنی چالاكانی كورد، لە لایەن هێزەكانی ئیدارەی ئیتلاعاتی شاری سنەوە دەستگیر و گواستراوەتەوە بۆ شوێنێكی نادیار.

بنەماڵەی ئەو چالاكەی مافی مرۆڤە وێڕای دەربڕینی نیگەرانی لە چارەنووسی رۆڵەكەیان، كە لەم رۆژانەی دواییدا لە لایەن هێزەكانی ئیدارەی ئیتلاعاتەوە زۆر زەخت و گوشاریان لەسەر بووە و ئەزیەت كراون و هەرچی بەدواداچوونی دۆخی فەرشید دەكەن، هیچ زانیارییەك سەبارەت بە چارەنووسی نادەنە دەستەوە.

ئەمەش لەحاڵێكدایە، كە لە ماوەی كەمتر لە یەك مانگی رابردوو، لە شەپۆلی نوێی كۆماری ئیسلامی بۆ سەر خەڵكی كوردستان، تا ئێستا پتر لە 40 چالاكی سیاسی، مەدەنی و پیشەیی كورد لە لایەن ئیدارەی ئیتلاعاتەوە بانگهێشت و دەستگیر كراون.

بابەتی هاوپۆل

چالاکێکی دیکەی ژینگەپارێز لە کامیاران دەستبەسەر کرا

لە درێژەی شەپۆلی دەستبەسەر کردنی هاوڵاتیانی کورد لە شاری کامیاران، هاوڵاتیەکی دیکەی خەڵکی گوندی ئەڵک …

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

This site uses Akismet to reduce spam. Learn how your comment data is processed.