هه‌ینی 14 كانونی یه‌كه‌م 2018
ماڵەوە / جیهان / كوژرانی 150 ژن بە دەستی داعش و گیرانی سەدان ئەندامی ئەو رێكخراوەیە

كوژرانی 150 ژن بە دەستی داعش و گیرانی سەدان ئەندامی ئەو رێكخراوەیە

وەزارەتی مافی مرۆڤی عێراق دوێنێ سێشەممە 25ی مانگی سەرماوەز لە بەیاننامەیەكدا رایگەیاند كە یونس ئەللیبی یەكێك لە سەركردەكانی داعش زۆرتر لە 150 ژنی عێراقی لەوان چەندین كچ و هەروەها ژنی دووگیانی بەهۆی رەتكردنەوەی بیرۆكەی جیهادی نیكاح لە شاری فەلوجە لە پارێزگای ئەنبار كوشتووە.

لەوبەیاننامەیەدا هاتووە، كە تەرمی كوژراوان لە گۆڕستانەكانی ‘الزغارید’ و’ حی الجولان’و’الصقلاویە’ نێژراون.

وەزارەتی مافی مرۆڤی عێراق رۆژی رایگەیاند رایگەیاند ئەو جەنایەتانەی داعش تووشی بووە لە جەنایەتەكانی سەدام كەمتر نییە.

هەروەها داعش لەمدوایانەدا 48كەسی عێراقیان لە شاری تكریت بە تۆمەتی سیخوڕی بۆ دەوڵەتی ئەو وڵاتە ئێعدام كردووە.

چەند رۆژ لەمەوبەریش 17 كەسیان لە هێزەكانی پۆلیس و عەشیرەتی جبور و جیسات لە تكریت هەر بەو تۆمەتە ئێعدام كردبوو.

ئەمەش لەحاڵكدایە، كە بەرپرسێكی ئەمنی “میسر” هەروەها رایدەگەیەنێت كە دەزگا ئەمنییەكانی ئەو وڵاتە لەماوەی ئەمساڵدا 600 كەسیان دەستگیركردوە كە لەناو ریزی چەكدارانی داعش لەسوریا‌و عێراق گەڕابوونەوە.

هەریەك لە “ئیسپانیا و مەغریب”یش بەدەیان كەسیان دەستگیركردوون كە گوومانی ئەوەیان لێدەكرێت جیهادییە تووندئاژۆكان بن، راپۆرتەكان ئەوە دەخەنەڕوو كە زیاتر لە 1200 مەغریبی لە ریزی رێكخراوی داعش لە سووریا دەجەنگن، زیاتریش لە 100 كەسیان لە كاتی گەڕانەوەیان دەستگیركراون.

بابەتی هاوپۆل

گوشار خستنە سەر ئەنجوومەنی ژینگەی وڵات لە لایەن کاربەدەستانی ڕژیم لە شاری بۆکان

شارەداریی و فەرمانداریی شاری بۆکان، گوشاریان خستوەتە سەر ئەنجومەنی ژینگەی “وڵات”، کە دەبێت چالاکییەکانیان ڕابگرن.

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

This site uses Akismet to reduce spam. Learn how your comment data is processed.