شه‌ممه‌ 18 تشرینی دووه‌م 2017
ماڵەوە / کوردستان / گواستنەوەی یەكێك لە زیندانیانی مانگرتوو بۆ نەخۆشخانە

گواستنەوەی یەكێك لە زیندانیانی مانگرتوو بۆ نەخۆشخانە

پاش 27 رۆژ بەسەر مانگرتن لە خواردنی زیندانیانی سیاسی لە زیندانی ناوەندیی ورمێ (دەریا) یەكێك لە زیندانیانی مانگرتوو بە هۆی تێكچوونی باری تەندروستی رەوانەی نەخۆشخانە كرا.

بە پێی هەواڵی گەیشتوو بە “زاگرۆس پۆست” ، دوێنێ سێشەممە بەرامبەر بە 25ی مانگی سەرماوەز، پاش تێپەڕ بوونی 27 رۆژ بەسەر مانگرتن لە خواردنی زیندانیانی سیاسی لە زیندانی ناوەندیی شاری ورمێ (دەریا) یەكێك لەو مانگرتووانە بە ناوی “خدر رەسوڵ مروەت” بە هۆی تێكچوونی باری تەندروستی رەوانەی نەخۆشخانە كرا.

دەوترێ، “خدر رەسووڵ مروەت” بە هۆی ئەوەیكە دۆخی جەستەیی زۆر نالەبار بووە، رەشانەوەی تێكەڵ بە خوێنی هەبووە و بە مەبەستی چارەسەریی پزیشكی رەوانەی نەخۆشخانە كراوە، بەڵام پاش گەیشتنی بە نەخۆشخانە، خۆی لە هەڵواسین و تەزرێق كردنی سورەنگ و دەرزیی بواردووە و پێداگریی لە سەر درێژەدان بە مانگرتنەكەی كردووە.

لە لایەكی دیكەوە، “عەلیڕەزا رەسوڵی” یەكێكی دیكە لە زیندانیانی مانگرتوو كە ماوەی پتر لە مانگێكە دەستی داوەتە مانگرتن و بە هۆی توندبوونەوەی نەخۆشی شێرپەنجەكەی، لە دۆخێكی مەترسیدار و خراپدا بەسەر دەبات.

جێگای وەبیرهێنانەوەیە، ئێستاكە 28 رۆژ بەسەر مانگرتن لە خواردنی زیندانیانی سیاسی مانگرتوو لە زیندانی ناوەندیی ورمێدا تێدەپەڕێت و لە كۆی ئەو 27 مانگرتووە، دۆخی 9 كەسیان بە ناوەكانی “عەلی ئەفشاری، عەلیڕەزا رەسوڵی، عەلی ئەحمەدی سولیمان، شێركۆ حەسەن پوور، یوسف كاكە مەمی، خزر رەسوڵی راد، محەمەد عەبدوڵڵاهی، سیروان نژاوی و سامان نەسیم” لە دۆخێكی زۆر مەترسیدار و نیگەرانی خولقێندا دەژین.

بابەتی هاوپۆل

بەوێنە.. ژمارەی قوربانیانی بوومەلەرزە بەرز دەبێتەوە

بەهۆی بوومەلەرزەكەی شەوی رابردوو لەپارێزگار كرماشان تا ئێستا لانیكەم 348 كەس گیانیان لەدەستداوە‌و نزیكەی 7000 …