پێنج شه‌ممه‌ 14 تشرینی دووه‌م 2019
ماڵەوە / كولتوور / له‌سلێمانی یه‌كه‌مین فێستیڤاڵی كورته‌ فیلمی ژنان به‌ڕێوه‌ده‌چێت

له‌سلێمانی یه‌كه‌مین فێستیڤاڵی كورته‌ فیلمی ژنان به‌ڕێوه‌ده‌چێت

رێكخراوی گه‌شه‌پێدانی مافی مرۆڤ به‌ هاوكاری فه‌رمانگه‌ی رێكخراوه‌ ناحكومیه‌كان، لە رۆژی 7-8/ 12/2013 له‌شاری سلێمانی و له‌هۆڵی ته‌وار یه‌كه‌مین فێستیڤاڵی كورته‌ فیلمی ژنان بەڕیوەدەبات

له‌م خوله‌ی فێستیڤاڵ كه‌ تیایدا فیلمی ژنه‌ سینه‌ماكاره‌كانی چوار پارچه‌ی كوردستان له‌هه‌ردو به‌شی (پێشبڕكێ‌ و نمایش) پیشان ده‌ده‌رێن به‌ئاماده‌بونی ده‌رهێنه‌رو میوانانی بیانی و هه‌روه‌ها فیلمێكی كچه‌ ده‌رهێنه‌ری كۆری (داهجیما) و ژنه‌ ده‌رهێنه‌ری سوری (ئیفا داود) و ژنه‌ ده‌رهێنه‌ری ئێرانی (مه‌ریه‌م پیربه‌ند) وه‌ك میوانی فێستیڤاڵ به‌شداری ده‌كه‌ن.

فیلمه‌ به‌شداربوه‌كانی ئه‌م خوله‌ی فێستیڤاڵ بریتین له‌ (كه‌تانی سور ده‌رهێنانی قودره‌ت گونه‌ش، دانیشتوانی به‌ڕێز ده‌رهێنانی سارا ره‌حیم زاده‌، گه‌ڕانه‌وه‌ ده‌رهێنانی ئه‌سین ئاكگوڵ، گرێ‌ كوێره‌ ده‌رهێنانی هه‌نار فه‌رهاد، خونچه‌ ده‌رهێنانی جوانه‌ سه‌عید، كۆڵانێك له‌پشت ماڵی ئێمه‌ ده‌رهێنانی شیلان سه‌عدی، كچی كورد ده‌رهێنانی ڤیان مایی، دایكانی ئاشتی ده‌رهێنانی ئاسمین بایرام، ده‌رگا داخراوه‌كان ده‌رهێنانی ده‌وه‌ن نه‌وزاد، تاڵاوی ئاوه‌كان ده‌رهێنانی فاتیمه‌ ده‌ستمه‌رد، كه‌یس ده‌رهێنانی ئاواز ئه‌حمه‌د، 10 ده‌رهێنانی چاوان زانا، داو ده‌رهێنانی سۆلاڤ شه‌یدا، نانی به‌یانی ده‌رهێنانی مریه‌م دوستی، به‌هه‌شتی شوتی ده‌رهێنانی گوڵستان ئاجه‌ت، به‌ڕێگایه‌ك یان به‌ڕێگایه‌كی تر ده‌رهێنانی ناز ساڵح، ده‌نگێك له‌په‌نجه‌ره‌وه‌ ده‌رهێنانی نورسه‌ل دۆغان، له‌نێوان مه‌رگ و ژیان ده‌رهێنانی شه‌هێن جه‌مال).

بۆ ئه‌م خوله‌ی فێستیڤاڵ هه‌ریه‌ك له‌ (مریه‌م پیربه‌ند له‌ئێران و نادیه‌ ئه‌لبه‌كری له‌وڵاتی مه‌غریب و گۆنا حه‌مه‌ ساڵح له‌كوردستان و صه‌بریه‌ جوتكار له‌وڵاتی توركیاو زكرا سه‌رسه‌م له‌به‌غدا) ده‌بنه‌ لیژنه‌ی داوه‌ری و ‌بڕیاره‌ له‌كۆتایی فێستیڤاڵ فیلمه‌ سه‌ركه‌وتوه‌كان خه‌ڵات بكرێن.

هه‌ر له‌چوارچێوه‌ی فیستیڤاڵه‌كه‌دا بڕیاره‌ پێشانگایه‌كی شێوه‌كاری بۆ چه‌ند كچه‌ شێوه‌كارێك و پێشانگایه‌كی شیعری بۆ چه‌ند كچه‌ شاعیرێك بكرێته‌وه‌.

بابەتی هاوپۆل

چوار چالاکی ئەدەبی لە بۆکان دەستگیر کران

هێزەکانی ئیتلاعات لە شاری بۆکان چوار چالاکی ئەدەبیی خەڵکی ئەو شارەی دەستگیر و رەوانەی ئیدارەی …

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

This site uses Akismet to reduce spam. Learn how your comment data is processed.