شه‌ممه‌ 18 تشرینی دووه‌م 2017
ماڵەوە / کوردستان / دۆخی جەستەیی زیندانیانی مانگرتوو زۆر مەترسیدارە

دۆخی جەستەیی زیندانیانی مانگرتوو زۆر مەترسیدارە

دۆخی زیندانیانی سیاسی مانگرتوو لە زیندانی ناوندیی ورمێ (دەریا) زۆر نالەبارە و تا ئێستا 8 كەسیان رەوانەی بێهداریی زیندان كراون.

ئێستاكە 24 رۆژ بەسەر مانگرتن لە خواردنی زیندانیانی سیاسی راگیراو لە زیندانی ناوەندیی شاری ورمێ (دەریا)دا تێدەپەڕێ و كاربەدەستانی ئەو زیندانەش لە جیاتی بەهاناوەچوونی زیندانیان و پێڕاگەیشتنی پزیشكی و جێبەجێ كردنی خواستەكانیان، بەردەوام هەڕەشە و گوڕەشەیان لێ دەكەن و باس لەوە دەكەن، كە حوكمی ئێعدامی ئەو زیندانیانە بەكردەوە دەردێنن.

هەواڵەكان لەو پەیوەندەدا باس لەوە دەكەن، دۆخی 8 كەس لەو زیندانیانە بە ناوەكانی “عەلی ئەفشاری، عەلیڕەزا رەسوڵی، عەلی ئەحمەد سولەیمان، شێركۆ حەسەن پور، یوسف كاكە مەمی، خزر رەسوڵی راد، محەمەد عەبدوڵڵاهی، عەلدولڕەزا رەسوڵی و سیروان نژاوی” زۆر نالەبار و مەترسیدارە و پێویستیان بە پێڕاگەیشتن و چارەسەریی خێرای پزیشكی هەیە و هەروەها باقی زیندانیانی دیكەش كە دەستیان داوەتە مانگرتن لە خواردن لە دۆخێكی ناجێگیر و نالەباردان.

بابەتی هاوپۆل

بەوێنە.. ژمارەی قوربانیانی بوومەلەرزە بەرز دەبێتەوە

بەهۆی بوومەلەرزەكەی شەوی رابردوو لەپارێزگار كرماشان تا ئێستا لانیكەم 348 كەس گیانیان لەدەستداوە‌و نزیكەی 7000 …