پێنج شه‌ممه‌ 23 تشرینی دووه‌م 2017
ماڵەوە / کوردستان / “حیزبه‌کانی رۆژهه‌ڵاتی کوردستان تووشی په‌تای “کونگره‌و کۆنفرانس”ی ناپێویست هاتوون”

“حیزبه‌کانی رۆژهه‌ڵاتی کوردستان تووشی په‌تای “کونگره‌و کۆنفرانس”ی ناپێویست هاتوون”

نوسەر‌و هەڵسوڕاوی سیاسی‌و پێشمەرگەی دێرین، رەشاد مستەفا سوڵتانی پێیوایە حیزبەكانی رۆژهەڵاتی كوردستان توشی پەتای “كۆنگرە‌و كۆنفرانس”ی ناپێویست هاتوون‌و دەڵێت “پێویسته‌ حیزبه‌کانی ڕۆژهه‌ڵاتی کوردستان، که‌ به‌ هات و هاوار شتێکن و به‌ کرده‌وه‌ شتێکی تر ،خاڵه‌ کزه‌کانی خۆیان وڕاستیه‌کان بخه‌نه‌ ڕوو، ئه‌گه‌رچی تاڵ و تفتیش بێت”.

رەشاد مستەفا سوڵتانی لەدیمانەیەكدا لەگەڵ زاگرۆس پۆست بۆچوونی خۆی لەسەر چەندین تەوەر دەخاتەڕوو و سەبارەت بە بارودۆخی ئێستای حیزبەكانی رۆژهەڵات دەڵێت “حیزبه‌کانی رۆژهه‌ڵات، ئیستا خاوه‌نی ئێعتباری کۆمه‌ڵایه‌تی و هیژمونی سیاسی به‌رز نین و ئه‌گه‌ر به‌ جیددی وریا نه‌بن، ڕه‌نگه‌ به‌و شێوه‌ که‌ یه‌کێتی و پارتی که‌وتنه ‌داوی سپای پاسداران و بۆ ئازاد کردنی هه‌ڵه‌بجه‌ تراژیدیان خولقاند و شه‌ریکی ئه‌و کاره‌ساته‌ دڵته‌زینه‌ن که‌ به‌سه‌ر خه‌ڵکی هه‌ڵه‌بجه‌دا هات، پیلانی سپاه‌ بۆ له‌ داو خستنی کۆمه‌ڵه‌ و دیموکرات هه‌میشه‌ له‌ ئارادایه‌. ئایا هێزی ئیستای پێشمه‌رگه‌ی دیموکرات و کۆمه‌ڵه‌‌‌، ده‌توانن له‌ شه‌ڕی کۆبانی به‌شدار بن ؟ چونکو مه‌ترسی ئه‌وه‌هه‌یه‌ سپای پاسداران، به‌و ده‌سه‌ڵاته‌ که‌ له‌ هه‌ریمی کوردستانی باشور به‌ده‌ستی هێناوه‌، کۆسپ و گرفت بۆ کۆمه‌ڵه‌ و دیموکرات بخولقێنێت”.
لەچاوپێكەوتنەكەدا هەروەها ئاماژەیەك بۆ شەڕی كۆمەڵە‌و دیموكرات لەساڵانی رابردوو دەكات‌و دەڵێت “حیزبی دیموکرات و کۆمه‌ڵه‌ ده‌بوا شه‌ڕی ده‌سه‌ڵاتیان نه‌کردبا. ئه‌گه‌ر ڕێزێک بۆ دیموکراسی هه‌بوایه‌ بیگومان ده‌سه‌ڵاتی سیاسی و کۆمه‌ڵایه‌تی حیزبێک له‌ نێو سه‌ندوقه‌کانی ده‌نگدا دیاری ده‌کرێت. ئه‌گه‌ر کورد ڕێبه‌رانێکی وه‌ک گاریبالدی (ئیتالیا) نیلسو ن ماندیلا (ئافریکای باشوور) و بیسمارکی (ئالمان) بوایه‌، بیگومان شه‌ڕی براکوژی هه‌رگیز ڕووی نه‌ده‌دا. له‌ حاڵی حازردا، ئه‌گه‌ر ئه‌م حیزبانه‌ له‌ سه‌ر خاڵه‌ هاوبه‌شه‌کان پلاتفورمی هاوبه‌ش هه‌ڵنه‌بژێرن و یه‌ک نه‌گرن و به‌ره‌ی یه‌کگرتوو پێک نه‌هێنن، کاردانه‌وه‌ی خراپ و ڕووخێنه‌ری له‌ سه‌ر سایکۆلۆژی خه‌ڵک داده‌نێت ووه‌ک جاری جاران له‌ په‌راوێز ده‌که‌ونه‌وه‌ ودیارده‌ و پڕۆسه‌ی ئوردوگانشینی‌ هه‌ر ته‌واو نابێت”.

دەقی دیمانەكە بخوێنەرەوە

بابەتی هاوپۆل

سنە.. ناردنی ٢٠٠ کانێکس بۆ بوومەلەرزە لێدراوان

لە لایەن رێکخراوی نیزامی موھەندسی پارێزگای سنە، ژمارەیەکی بەرچاو کانێکس پێشکەشی خەڵکی بوومەلەرزە لێدراوی پارێزگای …