زاگرۆس پۆست
كۆماری ئیسلامی بە بیانووگەلێكی جۆراوجۆر دەستی داوەتە رەنگ كردنی داری سەر شەقامەكان و نێو بلوارەكان لە شاری “سنە”.
بە پێی هەواڵی گەیشتوو بە *زاگرۆس پۆست*، لایەنە پەیوەندیدارەكانی كۆماری ئیسلامی لە شاری “سنە” بە بیانووگەلێكی جۆراوجۆر وەكوو “سەرما بردوویی و كرمۆڵ بوون و …” دەستیانداوەتە رەنگ كردنی داری سەرشەقامەكان و بلوارەكان لەو شارەدا. بۆ ئەو مەبەستانە دەتوانێ لە رێگاگەلێكی دیكەی وەكوو گەرم داپۆشینی دارەكان و سەمپاشی كەڵك وەربگیردرێت، بەڵام رێگایەكی زیانبەخش و مەترسیدار گیراوەتە پێش.
ئەمەش لەحاڵێكدایە، كە ئەو رەنگەی بۆ رەنگ كردنی دارەكانی سەر شەقام كەڵكی لێ وەردەگیردرێت خۆی مەوادی شیمیایی پێوەیە و لە هەڵمژینی دیۆكسیدی كەربۆن لە رێگای رەوزەنەی سەر لاشەی دارەكان و پاشان گۆڕینی ئەو دیۆكسیدی كەربۆنە بە ئۆكسیژن دەگرێت و بەو چەشنە ژینگە و سروشتی شارەكە و هەروەها تەندروستی هاوڵاتیان لە وەرگرتنی ئۆكسیژن و هەوای خاوێن بێ بەری دەكات.
