یه‌ك شه‌ممه‌ 17 كانونی دووه‌م 2021
ماڵەوە / کوردستان / دەستگیر كردنی 34 هاوڵاتیی كورد لە لایەن كۆماری ئیسلامیەوە

دەستگیر كردنی 34 هاوڵاتیی كورد لە لایەن كۆماری ئیسلامیەوە

هێزەكانی ئیدارەی ئیتلاعاتی رێژیمی ئێران لە شاری مەریوان هاووڵاتییەكی كوردیان دەستگیر كرد و بۆ شوێنێكی نادیار رایانگواستووەتەوە.

لەم رۆژانەی دواییدا چەكدارەكانی كۆماری ئیسلامی هاووڵاتییەكی خەڵكی گوندی “دەری” سەر بە بەشی ناوەندیی شاری “مەریوان” بە ناوی “حەسەن ئەحمەدی” دەستگیر كرد.

حەسەن ئەحمەدی دوای دەستبەسەركرانی لەلایەن هێزەكانی ئیدارەی ئیتلاعاتی رێژیمی ئێرانەوە بۆ شوێنێكی نادیار گواستراوەتەوە و هەتا ئێستاش هیچ پەیوەندییەكی بە بنەماڵەكەیەوە نەگرتووە.

حەسەن ئەحمەدی خەڵكی گوندی “دەری” پێشتریش دوو جار لەلایەن هێزەكانی ئیتلاعاتی كۆماری ئیسلامیەوە دەستگیر كرابوو.

هەروەها رۆژی چوارشەممە رێكەوتی ١٩ی سەرماوەزی ١٣٩٣ی هەتاوی، “رێبوار كامرانی پوور” خوێندكاری كوردی خەڵكی مەریوان و لە چالاكانی كرێكاریی و لە خوێندكارانی پێشووی زانستگای پەیامی نووری سـنە لەلایەن ئیدارەی ئیتلاعاتی كۆماری ئیلامیەوە لە سـنە بانگهێشت و دەستگیر كرابوو.

جێگای ئاماژەیە، لە ماوەی 20 رۆژی رابردوودا ٣٤ هاووڵاتی كورد لە شارە جیاجیاكانی كوردستان، لەلایەن هێزەكانی كۆماری ئیسلامیەوە دەستگیر كراون و هەتا ئێستا چارەنووسی هەندێكیان نادیارە.

بابەتی هاوپۆل

گیانلەدەستدانی لاوێکی خەڵکی روانسەر بە ھۆی خۆکوژیەوە

لاوێکی خەڵکی روانسەر بە ھۆی کێشەی بنەماڵەیی دەستی داوەتە خۆکوژیی و بەم ھۆیەوە گیانی لەدەست …

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

This site uses Akismet to reduce spam. Learn how your comment data is processed.