شه‌ممه‌ 18 تشرینی دووه‌م 2017
ماڵەوە / بابەتەکان / مانگرتن لە خواردنی پارێزەرێكی ناوداری کورد

مانگرتن لە خواردنی پارێزەرێكی ناوداری کورد

پارێزەرێكی ناوداری كورد لە زیندانی ناوەندیی “ورمێ” (دەریا) دەستی دایە مانگرتن لە خواردن.

بە پێی راپۆرتی كەمپەینی بەرگری لە زیندانیانی سیاسی و مەدەنی، “مەسعود شەمس نژاد” پارێزەری ناوداری كورد، كە رێكەوتی 27ی رەزبەری ئەمساڵ پاش بانگهێشت كردن بۆ زیندان بە مەبەستی تێپەڕاندنی 4 مانگ زیندان، رەوانەی زیندانی ناوەندیی ورمێ كرا. بەڵام ئەو زیندانیە لەجیاتی ئەوەیكە بگواسترێتەوە بۆ بەندی زیندانیانی سیاسی، براوەتە بەندی زیندانانی مەترسیدار و لە ناڕەزایی بە هۆی بەدوادانەچوونی پزیشكی و نەدانی مەرەخەسی لە لایەن دادستان بە ناوبراو، لە رێكەوتی سێشەممە 18ی مانگی سەرماوەز دەستی داوەتە مانگرتن لە خواردن.

ئەو پارێزەرە كوردە، مامۆستای پێشووی زانكۆی ئازاد و پەیام نوور بوو، كە ئەركی پارێزەریی زیندانیانی سیاسی مەحكوم بە ئێعدام لەوانە “حەبیب گوڵپەریپور، عەلی ئەفشاری و رزگار ئەفشاری لە ئەستۆدا بوو، رێكەوتی 19ی مانگی گوڵانی ساڵی 1392ی هەتاویی بە تۆمەتی ئەندامیەت لە یەكێك لە حیزبە كوردستانیەكانی نەیاری كۆماری ئیسلامی دەستگیر و گواسترایەوە بۆ گرتووخانەی ستادی خەبەریی ئیدارەی ئیتلاعاتی ورمێ و پاش ماوەیەكش گواسترایەوە بۆ زیندانی ناوەندیی ورمێ و مانگی جۆزەردانی هەر ئەو ساڵە بە دانانی بارمتەی یەك میلیارد تمەنی بە شێوەی كاتیی لە زیندان ئازاد كرا.

بابەتی هاوپۆل

پیام جمعی ازفعالین چپ وسوسیالیست کوردستان

دوران معامله وسازش خیانت پشت پرده احزاب کورد بپایان رسیده?