چوار شه‌ممه‌ 23 كانونی دووه‌م 2019
ماڵەوە / کوردستان / تێكچوونی باری تەندروستی 3 كەس لە زیندانیانی مانگرتووی “ورمێ”

تێكچوونی باری تەندروستی 3 كەس لە زیندانیانی مانگرتووی “ورمێ”

وێڕای بەردەوام بوونی زیندانیانی سیاسی مانگرتوو لە زیندانی “ورمێ” لەسەر درێژەدان بە مانگرتن لە خواردن، باری تەندروستی 3 كەس لەو زیندانیانە ناجێگیر راگەیەندراوە.

بە پێی هەواڵی گەیشتوو بە *زاگرۆس پۆست*، پاش تێپەڕبوونی 21 رۆژ بەسەر مانگرتن لە خواردنی زیندانیانی سیاسی لە بەندی 12ی زیندانی ناوەندیی شاری “ورمێ” (دەریا) باری تەندروستی چەند كەس لەو زیندانیانە و بەتایبەت 3 كەسیان بە ناوەكانی “بێهروز ئاڵخانی، سەید سامی حسێنی و عوسمان مستەفاپوور” زۆر ناجێگیرە و پێویستیی خێرایان بە پێڕاگەیشتنی پزیشكی هەیە.

ئەمەش لەحاڵێكدایە، كە كاتێ پزیشكی بهێداریی نێو زیندانی چاوی بەو 3 زیندانیە سیاسیە كەوتووە و پاش تاقیكردنەوەیەكی پزیشكی، سەبارەت بە دۆخی مەترسیداری ئەو زیندانیانە هوشداری داوەتە كاربەدەستانی نێو زیندانەكە.

جێگای ئاماژەیە، ئێستاكە بە هۆی مانگرتن لە خواردنی درێژخایەنی ئەو زیندانیانە، “تەحال و رێخۆڵەی بێهرووز ئاڵخانی” تووشی عفونەت بووە، گورچیلەكانی “عوسمان موستەفایی” وشك هەڵاتووە و ئەگەری لێدانەی جەڵتەی دڵ بە هۆی تێكچوونی باری جەستەیی بۆ “سەید سامی حسێنی” دوور لە چاوەڕوانی نیە.

بابەتی هاوپۆل

مانگرتن و ناڕه‌زایه‌تی دەربڕینی خۆیندكارانی زانكۆی رازی كرماشان

ڕۆژی شه‌ممه‌ ٢٩ی به‌فرانبار، خۆیندكارانی زانكۆی رازی كرماشان، له‌ ناڕه‌زایه‌تی به ئاستی له‌ خواره‌وه‌ی‌ خواردەمەنیەکانی …

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

This site uses Akismet to reduce spam. Learn how your comment data is processed.