شه‌ممه‌ 18 تشرینی دووه‌م 2017
ماڵەوە / کوردستان / مانگرتن لە بەردەم نووسینگەی پارلمانی كوردستان بۆ پشتیوانی لە زیندانیانی سیاسی

مانگرتن لە بەردەم نووسینگەی پارلمانی كوردستان بۆ پشتیوانی لە زیندانیانی سیاسی

ژمارەیەك لە چالاكانی سیاسی و مەدەنی رۆژهەڵاتی كوردستان، بە مەبەستی پشتیوانی و لە هەمان كاتدا ناڕەزایی بەرامبەر بە كەمتەرخەمی كۆمەڵگای نێودەوڵەتی سەبارەت بە تێپەڕ بوونی 20 رۆژ مانگرتن لە خواردنی زیندانیانی سیاسی لەو بەشەی كوردستان، دەستیان دایە مانگرتن و رێكخستنی متینگێكی هێمنانە.

بە پێی هەواڵێ كە بە *زاگرۆس پۆست* گەیشتووە، دوانیوەڕۆی ئەمڕۆ سێشەممە 18ی مانگی سەرماوەز، ژمارەیەك لە چالاكانی سیاسی و مەدەنی رۆژهەڵاتی كوردستان، بە هەڵواسینی پلاكارد و وێنەی زیندانیانی سیاسی گیانبەختكردوو و هەروەها ژمارەیەك لە زیندانیانی سیاسی كە ئێستاكە لە زیندانەكانی كۆماری ئیسلامیدان و هەڵكردنی دروشم و پلاكارت و تراكت، پشتیوانیی خۆیان لە زیندانیانی سیاسی مانگرتوو لە زیندانی ناوەندیی شاری “ورمێ” (دەریا) و هەروەها لە چەند زیندانی دیكەی ئێران، دەستیان داوەتە مانگرتن و وەڕێخستنی كۆبوونەوە لە بەردەم نووسینگەی پارلمانی هەرێمی كوردستان لە شاری “سلێمانی”.

بە پێی هەواڵی هەواڵنێرمان، لە كۆبوونەوەكەدا ژمارەیەك لە چالاكانی سیاسی و مەدەنی بە پاڵپشتیی 3 حیزب لەوانە “كۆمەڵەی زەحمەتكێشانی كوردستان(ك زك)، پارتی ئازادیی كوردستان(پاك) و پارتی ژیانی ئازادی كوردستان(پژاك)” بەشدارییان لەو كۆبوونەوە ناڕازییانەیەدا كردووە و پشتیوانیی خۆیان بۆ زیندانیانی سیاسی لە زیندانەكانی كۆماری ئیسلامی دەربڕیوە و مانگرتنەکه ئێستاكەش بەردەوامە.

جێگای وەبیرهێنانەوەیە، تا ئێستا “كۆمەڵەی زەحمەتكێشانی كوردستان” 2 راگەیەندراو، “حیزبی دیموكراتی كوردستان” راگەیەندراوێك و “پارتی ژیانی ئازادی كوردستان” بە راگەیەنراوێك پشتیوانی خۆیان لە زیندانیانی سیاسی مانگرتوو، كە 20 رۆژە درێژەی هەیە، دەربڕیبوو.

بابەتی هاوپۆل

بەوێنە.. ژمارەی قوربانیانی بوومەلەرزە بەرز دەبێتەوە

بەهۆی بوومەلەرزەكەی شەوی رابردوو لەپارێزگار كرماشان تا ئێستا لانیكەم 348 كەس گیانیان لەدەستداوە‌و نزیكەی 7000 …