چوار شه‌ممه‌ 23 كانونی دووه‌م 2019
ماڵەوە / کوردستان / لێدان و گواستنەوەی زیندانیەكی سیاسی مەحكوم بە ئێعدام

لێدان و گواستنەوەی زیندانیەكی سیاسی مەحكوم بە ئێعدام

زیندانیەكی سیاسی كوردی مەحكوم بە ئێعدام كە یەكێك لە رێكخەرانی مانگرتنی زیندانیانی سیاسی لە زیندانی ناوەندی ورمێ(دەریا) بووە، پاش لێدان و سووكایەتی گواستراوەتەوە بۆ زیندانی مەهاباد.

بە پێی هەواڵی گەیشتوو بە *زاگرۆس پۆست*، پاش راگەیاندنی مانگرتن لە خواردنی زیندانیانی سیاسی لە زیندانی ناوەندیی ورمێ (دەریا) “مەنسور ئاروەند” یەكێك لە زیندانیانی سیاسی كوردی مەحكوم بە ئێعدام پاش هێرشی هێزەكانی گاردی ویژەی زیندان بۆ سەر بەندی 12ی ئەو زیندانە، لە لایەن ئەو هێزانەوە بە شوكێر بەرقی و باتۆم دراوەتە بەر دەستڕێژی لێدان و سووكایەتی و پاش خۆڕاگریی و كۆڵنەدانی مەنسور، پێچاویانەتە پەتوێك (بەتانی) و گواستوویانەتەوە بۆ زیندانی شاری مەهاباد.

شایانی باسە، پاش 19 رۆژ تێپەڕ بوون لە مانگرتنی زیندانیانی سیاسی لە زیندانی ورمێ و چەند زیندانێكی دیكەی ئێران، كۆماری ئیسلامی بۆ جاری چەندم هەڕەشەی ئەوە لە زیندانیان دەكات، كە ئەگەر كۆتایی بە مانگرتن لە خواردنەكەیان نەهێنن لە سێدارەیان دەدەن و لە بەرامبەریشدا زیندانیانی مانگرتوو دروشمی “یان سەركەوتن یان سەركەوتن، یان سەركەوتن یان مردن”یان بەرز كردووەتەوە.

بابەتی هاوپۆل

مانگرتن و ناڕه‌زایه‌تی دەربڕینی خۆیندكارانی زانكۆی رازی كرماشان

ڕۆژی شه‌ممه‌ ٢٩ی به‌فرانبار، خۆیندكارانی زانكۆی رازی كرماشان، له‌ ناڕه‌زایه‌تی به ئاستی له‌ خواره‌وه‌ی‌ خواردەمەنیەکانی …

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

This site uses Akismet to reduce spam. Learn how your comment data is processed.