سێ شه‌ممه‌ 11 كانونی یه‌كه‌م 2018
ماڵەوە / کوردستان / بانگكردنی چالاكێكی كورد بە مەبەستی تێپەڕاندنی حوكمی زیندان

بانگكردنی چالاكێكی كورد بە مەبەستی تێپەڕاندنی حوكمی زیندان

چالاكێكی سیاسی كورد بە مەبەستی تێپەڕاندنی 4 مانگ حوكمی زیندانی بەسەردا سەپاو بانگكرایە زیندانی شاری “قوروە”.

بە پێی راپۆرتی كەمپەینی بەرگری لە زیندانیانی سیاسی و مەدەنی، یەزدان حسێن پەناهی، چالاكی مەدەنی پێشتر لە لایەن لقی یەكی دادگای كۆماری ئیسلامی لە شاری سنە، بە تۆمەتی هاوكاریی لەگەڵ یەكێك لە حیزبە كوردستانیە نەیارەكانی حكومەت بە یەك ساڵ زیندان مەحكوم كرابوو و ئێستا بە مەبەستی تێپەڕاندنی ئەو حوكمە، بانگكراوەتە زیندانی شاری “قوروە”.

ناوبراو رایگەیاندووە، كە بەرامبەر بەو حوكمە لە لای دادگای پێداچوونەوەی پارێزگای “سنە” ناڕەزایی دەربڕیبوو و دواتر ئەو حوكمە بۆ 4 مانگ زیندان كەمكرایەوە.

یەزدان حسێن پەناهی لاوێكی تەمەن 23 ساڵی خەڵكی ئاوایی “قروچیا” سەر بە شاری “دێهگولانە” و سەرەتای مانگی بەهاری ئەمساڵ لە لایەن مەئمورانی ئیدارەی ئیتلاعاتەوە دەستگیر و نزیك بە 2 مانگ لە گرتووخانەی ئیدارەی ئیتلاعاتی شاری سنە راگیرا.

ئەو چالاكە كوردە لە 8ی مانگی جۆزەردانی سەمساڵ، پاش گواستنەوەی لە ئیدارەی ئیتلاعاتەوە بۆ زیندانی ناوەندیی شاری سنە، بە دانانی بارمتەی قورس بە شێوەی كاتی ئازادكرابوو.

بابەتی هاوپۆل

رۆحانی؛پێم وانەبێ وڵاتێکی دیکە وەکوو ئێران لە بواری ئازادیەوە بوونی هەبێت

رۆژی چوار شەممە ١٤ ی سەماوەز دوو رۆژ بەر لە ١٦ ی سەرماوەز(١٦ اذر) “رۆژی …

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

This site uses Akismet to reduce spam. Learn how your comment data is processed.