پێنج شه‌ممه‌ 23 تشرینی دووه‌م 2017
ماڵەوە / جیهان / ئێنترپۆل “یوسف قەرزاوی”خستە نێو لیستی داواكراوەكانی

ئێنترپۆل “یوسف قەرزاوی”خستە نێو لیستی داواكراوەكانی

پۆلیسی نێودەوڵەتی (ئێنترپۆل)، یوسف قەرزاوی، سەرۆكی یەكێتی زانایانی ئایینی ئیسلام بە هۆی بانگەواز بۆ پەیوەندیی كردن بە گرووپ توندڕەوەكانەوە، خستە نێو لیستی داواكراوەكانی.

بە پێی راپۆرتێك، كە لە ماڵپەری فەرمی ئێنترپۆل بڵاوكراوەتەوە، یوسف قەرزاوی، كە بەرەگەز میسرییە و هەڵگری رەگەزنامەی قەتەرییە، لەسەر داوایەكی دەسەڵاتدارانی ئێستای میسر و بە تۆمەتی هاندان و هاوكاریكردن بۆ ئەنجامدانی تاوانی كوشتنی بە ئەنقەست، هەروەها هاوكاریكردنی بەندكراوان بۆ راكردن لە بەندیخانە و سووتاندن و ئاژاوەنانەوە و دزیكردن تێیاندا، داواكراوە.

لە راپۆرتەكەدا ئاماژە بەوەشكراوە، كە هەركەسێك زانیاری لەسەر یوسف قەرزاوی هەیە، بە زووترین كات ئاگاداری نزیكترین بنكەی پۆلیس بكاتەوە.

یوسف قەرزای دوای لەسەر كارلادانی دەسەڵاتدارانی ئیخوانەلموسلمین لەلایەن ئەرتشی میسرەوە و بەتایبەت لەلایەن عەبدولفەتاح سیسی، وەزیری ئەوكاتی بەرگری میسر و سەرۆك كۆماری ئێستای ئەو وڵاتە، بەردەوام رەخنە لە دەسەڵاتدارانی میسر دەگرێت و بە ستەمكار و كودەتاچی لەقەڵەمیان دەدات.

بابەتی هاوپۆل

سنە.. ناردنی ٢٠٠ کانێکس بۆ بوومەلەرزە لێدراوان

لە لایەن رێکخراوی نیزامی موھەندسی پارێزگای سنە، ژمارەیەکی بەرچاو کانێکس پێشکەشی خەڵکی بوومەلەرزە لێدراوی پارێزگای …