شه‌ممه‌ 19 كانونی دووه‌م 2019
ماڵەوە / ئێران / لە كاتی سەرۆك كۆماریی رۆحانی نزیك بە 1100 كەس لە سێدارە دراون

لە كاتی سەرۆك كۆماریی رۆحانی نزیك بە 1100 كەس لە سێدارە دراون

دوایین ئامارەكان رێژەی ئێعدامی هاوڵاتییان لە ئێران دەری دەخەات، كە دوای هاتنە سەركاری حەسەن رووحانی، ئێعدام بووەتە هۆی نیگەرانی چالاكوانان و بەرگریكارانی مافی مرۆڤ لەو وڵاتە.

كۆمەڵێك لە چالاكوانانی دیموكراسی و داكۆكیكارانی مافی مرۆڤ لە ئێران، ئاماری لە سێدارەدانی ١٠٩٧ كەسیان راگەیاندووە. ئەو رێژەیە تەنیا لەماوەی سەرۆك كۆماریی حەسەن رووحانی، واتە لە ماوەی ١٧ مانگ و ٢٠ رۆژی رابردوودا دەردەخات.

لە رێژەی هەزار و ٩٧ كەس لە سێدارەدراو، ١٣ كەسیان لە كاتی ئەنجامدانی تاوانەكەیان لە ژێر ١٨ ساڵ تەمەن بوون، كە دواتر لە سێدارەدراون و رێكخراوی مافی مرۆڤ لە ئێران ئەو ئامارەی پشتڕاست كردۆتەوە.

بە وتەی ئەو چالاكوانانە، رێژەی لە سێدارەدان لە ماوەی سەرۆك كۆماریی حەسەن رووحانیدا، زیاترین حاڵەتی لە سێدارەدان لە ماوەی ٢٠ ساڵی رابردوودا بووە.

مانگی رابردوو كومیتەی مافی مرۆڤی رێكخراوی نەتەوە یەكگرتووەكان، لەبارەی پێشێلكردنی مافی مرۆڤ لە ئێران، رێژەی زۆری لە سێدارەدان، بەربەستە سیاسی و كۆمەڵایەتییەكان، مافی كەمینە نەتەوەیی و ئایینیەكان، مافی ژنان و منداڵان و مافی شارۆمەندی بڕیارنامەیەكی بە زۆرینەی دەنگی ئەندامانی ئەو رێكخراوە پەسەند كرد و رێژەی لە سێدارەدانی خەڵكی لە ئێران بە ٥٨٠ كەس راگەیاند.

ئەحمەد شەهید ریپۆرتەری تایبەتی رێكخراوی مافی مرۆڤ تایبەت بە پرسی مافی مرۆڤ لە ئێران راگەیاند، رێژەی لە سێدارەدان لەو وڵاتە لە ساڵی ٢٠١٣ بە بەراورد لەگەڵ ساڵی ٢٠١٢ لە بەرزبوونەوەدا بووە.

بابەتی هاوپۆل

چالاکێکی دیکەی ژینگەپارێز لە کامیاران دەستبەسەر کرا

لە درێژەی شەپۆلی دەستبەسەر کردنی هاوڵاتیانی کورد لە شاری کامیاران، هاوڵاتیەکی دیکەی خەڵکی گوندی ئەڵک …

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

This site uses Akismet to reduce spam. Learn how your comment data is processed.