پێنج شه‌ممه‌ 28 كانونی دووه‌م 2021
ماڵەوە / کوردستان / ١٥٠ هەزار بێكاری دەرچووی زانكۆ لە پارێزگای سنە

١٥٠ هەزار بێكاری دەرچووی زانكۆ لە پارێزگای سنە

كێشەی ئابووری و سەرمایەگوزاری نەكردن لە  پارێزگای سنە و داخرانی ناوەندە پیشەییەكان و پرۆژەی ئاوەدانكردنەوە، پەرەەسەندنی رێژەی بێكاری لە نێو دەرچووانی زانكۆی لێكەوتۆتەوە.

بە وتەی یەكێك لە كاربەدەستانی كۆماری ئیسلامی لە پارێزگای سنە، سەرەڕای دابەزینی سەرمایە گوزاری لە ماوەی ساڵانی رابروو، ئێستاكە جگە لە دەرچووانی زانكۆ كە بە هۆی بێكاری ئەو پارێزگایەیان بەجێهشتووە، زیاتر لە ١٥٠ هەزار دەرچووی زانكۆ لە ئاستی پارێزگای سنەدا بێكارن.

شایانی باسە، ساڵانە بە هەزاران كەس لە شارە جیاجیاكانی رۆژهەڵاتی كوردستان بە مەبەستی كار و دابین كردنی بژیوی ژیان روو دەكەنە باشووری كوردستان و ئێستا بە هۆی زۆربوونی رێژەی ئاوارەكانی ناوچەكانی دیكەی عێراق لە باشووری كوردستان، تەنگ و چەڵەمەی زۆر بۆ كرێكاران و زەحمەتكێشانی رۆژهەڵاتی كوردستان ساز كراوە، یان ئێقامەیان پێ نادەن، یان ئەگەر ئێقامەیان پێ بدەن لە لایەن كومپانیاكانی پشتگیریەوە بڕە پارەیەكی زۆریان لێ وەردەگیردرێت و لە هەمان كاتیشدا حەقدەستێكی نیوە و نیوەچڵ وەردەگرن و زۆر جاریش لە لایەن خاوەنكارانەوە حەقدەستەكانیان ئاودیو دەكرێت و پێیان نادرێت.

بابەتی هاوپۆل

ابراهیم عیسی پور پس از حدود ۱۰ سال حبس از زندان ارومیه آزاد شد+ فیلم

ابراهیم عیسی پور، زندانی سیاسی کرد ھل سردشت امروز چهارشنبه ۸ بهمن‌ماه پس از تحمل …

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

This site uses Akismet to reduce spam. Learn how your comment data is processed.