زاگرۆس پۆست
سەرۆكی یەكیەتی پیشەیی نانەواییەكان رایگەیاندووە، كە رەوتی بەرز بوونەوەی نرخی نان نانەواییەكانی ناڕازی كردووە.
ناوبراو لە لێدوانێكدا بۆ یەكێك لە ماڵپەڕە خۆجێییەكانی ئیلام راگەیاندووە: تێچووی نانەواییەكان وەك حەقدەست و بیمە‌ی كرێكاران، كرێی دووكان، حەقی ئاو و بەرق و گاز بە شێوەی مامناوەند تا ئاستی زیاتر لە 70% بەرز بۆتەوە.
هەروەها ئاماژەی بەوە داوە، كە لە ماوەی رۆژانی رابردوودا هەر یەك كیلۆ ئارد 15% گرانتر بووە و لە ٥٥٠ تمەنەوە بۆ ٨٥٠ تمەن بەرز بۆتەوە.
سەرۆكی یەكیەتیی پیشەیی نانەواییەكان جەختیشی كردووەتەوە، كە لە بەرامبەر ئەو گرانیەدا نرخی نانیش تا ئاستی پتر لە 30% زیادی كردووە و ئەوەش ناڕەزایەتی توندی نانەواكانی لێكەوتۆتەوە، چونكە لەم بارودۆخەدا زۆربەی نانەواكان ناتوانن درێژە بە كارەكانیان بدەن.
