شه‌ممه‌ 18 تشرینی دووه‌م 2017
ماڵەوە / ئێران / ئێعدام كردنی 18 كەس لە رۆژێكدا بە دەستی كۆماری ئیسلامی ئێران

ئێعدام كردنی 18 كەس لە رۆژێكدا بە دەستی كۆماری ئیسلامی ئێران

رۆژی رابردوو لانیكەم 18 كەس لە زیندانە جیاجیاكانی كۆماری ئیسلامی ئێران لە سێدارە دران.

بە پێی راپۆرتی كۆمەڵەی چالاكانی مافی مرۆڤ لە ئێران، سەرلە بەیانیی ڕۆژی‌ سێشەممە 11ی مانگی سەرماوەز 3 پیاو و ژنێك لە زیندانی‌ ورمێ، 3 زیندانیی دیكە لە زیندانی‌ بەندەر عەباس و 11 زیندانیی دیكە لە زیندانی‌ قزلحەساری‌ كەرەج ئێعدام كران.

بەپێی‌ هەمان سەرچاوە لە زیندانی‌ ورمێ سێ كەس بە ناوەكانی‌ یەدوڵڵا فەهیمی‌، موختار داوودخاو مەنووچێهر ڕەزایی و ژنێك بە ناوی‌ مەرزیە ئوستواری‌ بە تۆمەتی‌ قاچاغچیی مادەی‌ هۆشبەر ئێعدام كران.

هەروەها لە زیندانی‌ بەندەر عەباسیش عەلی ئەكبەر نوورەدینی‌، عەلیڕەزا قوربانی‌ و حوسێن شاهۆ زێهی‌ بە هەمان تاوان ئێعدام كران.

لە زیندانی‌ قزلحەساری‌ كەرەج 11 كەس بە تاوانی‌ قاچاغچیی مادەی‌ هۆشبەر ئێعدام كران.

ئەمەش لەحاڵێكدایە،  كە لە زیندانی‌ قزلحەسار‌ و لە ماوەی‌ چەند ڕۆژی‌ ڕابردووداكۆمەڵێك لە زیندانیانی‌ یەكەی‌ 2ی‌ ئەم زیندانە مانیان لە خواردن گرتووە. ئەم زیندانیانە لەبەر دژكردەوە جۆراوجۆرەكانی‌ كاربەدەستانی‌ زیندان كە هەڕەشەی‌ ئێعدامكرانی‌ بە كۆمەڵیان لێ كردوون مانیان لە خواردن گرتووە.

بابەتی هاوپۆل

بەوێنە.. ژمارەی قوربانیانی بوومەلەرزە بەرز دەبێتەوە

بەهۆی بوومەلەرزەكەی شەوی رابردوو لەپارێزگار كرماشان تا ئێستا لانیكەم 348 كەس گیانیان لەدەستداوە‌و نزیكەی 7000 …